Colombo Today Local News

හෙරෝයින් ජාවාරම් කළ චූටි බබා පොලිසියට මාට්ටු

හෙරෝයින් ග්‍රෑම් 10යි මිලිග්‍රෑම් 260ක් සමග පුද්ගලයෙකු මිරිහාන කන්දවත්ත පාරේ දී අත්අඩංගුවට ගෙන තිබේ.

මිරිහාන කොට්ඨාස අපරාධ විමර්ශන අංශයේ මත්ද්‍රව්‍ය වැටලීම් ඒකකය විසින් එම පුද්ගලයා අත්අඩංගුවට ගෙන ඇත.

“චූටි බබා” නමින් හඳුන්වන සැකකරු බන්ධනාගාර ගතව සිටින සැකකරුවන් සමග සබඳතා පවත්වන බවට තොරතුරු අනාවරණ වී තිබේ.

මේ අතර මාතර බන්ධනාගාරයේ සිරකරුවන්ට හෙරෝයින් අලෙවි කළ ප්‍රධාන ජාවාරම්කරු පොලීසිය විසින් අත්අඩංගුවට ගෙන ඇත.

පොලීසිය පැවසුවේ ප්‍රධාන ජාවාරම්කරුට සහාය දැක්වූ පුද්ගලයින් දෙදෙනකු ද අත්අඩංගුවට ගත් බවය.

මාතර කොට්ඨාස දූෂණ මර්දන ඒකකයේ නිලධාරින් විසින් ඊයේ (08)දින පස්වරුවේ මාතර මහාධිකරණය අසල සැකකටයුතු ලෙස හැසිරුණු පුද්ගලයන් දෙදෙනෙකු අත්අඩංගුවට ගෙන තිබුණි.

එහිදී ඔවුන් සන්තකයේ තිබූ හෙරෝයින් ග්‍රෑම් 2කට අධික ප්‍රමාණයක් සොයා ගෙන තිබේ.

ඔවුන් දෙදෙනා “කැරට්’ සහ “බීට්” යන අන්වර්ථ නාමවලින් හඳුන්වන අතර ඔවුන්ගෙන් සිදුකළ ප්‍රශ්න කිරීම්වල දී මෙම ජාවාරම මෙහෙයවූ ප්‍රධාන පුද්ගලයා ද අත්අඩංගුවට ගෙන ඇත.

ඒ මාතර අධිකරණයේ නීතීඥවරුන්ගේ කාර්යාලවලට පිවිසෙන මාර්ගයේ රැඳී සිටියදීය.

අත්අඩංගුවට ගන්නා විට ඔහු සන්තකයේ හෙරෝයින් ග්‍රෑම් 57ක් තිබී පොලීසිය සොයාගෙන තිබේ.

එම සැකකරු අදාළ ස්ථානයට පැමිණ තිබුණේ, බන්ධනාගාර නියාමකවරියකට අයත් යතුරු පැදියකින් බව පොලීසිය පැවසීය.

Related posts

නිවසට කඩා වැදි තිදෙනෙක් පොල්තෙල් ව්‍යාපාරිකයාට වෙඩි තබා මරලා

Admin

හොර බැදුම්කර පත්තරේ ‘ජනයුගය‘ නමින් කල එළි බසී !

colombotoday

දිවයිනේ රෝහල් රැසක ලේ මාරු කරන යන්ත්‍ර අක්‍රීය වීමෙන් රෝගීන් මැරි මැරී යනවා…

Admin

ත්‍රස්තවාදය වැළැක්වීමේ පනත යටතේ රඳවා සිටි 5 කට නිදහස

colombotoday

ජෝන් කැඩූ ජොගිං පාත්, ජනතා මුදලින් නැවත හදයි.. කොන්ත්‍රාත්තුව නාගරික සංවර්ධන අධිකාරියෙන් පුද්ගලික සමාගමකට

colombotoday

“කොළඹ අභිමානය” නමින් සමලිංගික සැණකෙළියක් – එජාප තරුණ බලමණ්ඩලයත් හවුල්

colombotoday