සංචාරක වීසා මගින් මෙරට කම්කරු රැකියාවේ නිරතව සිටියදි අත්අඩංගුවට ගත් චීන ජාතිකයින් 14 දෙනෙකුට වසරක අනිවාර්ය සිරදඩුවමක් නියම කර තිබෙනවා.
ඊට අමතරව එක් අයෙකුට රුපියල් 50,000 බැගින්වු දඩ මුදලක් නියමකර ඇති අතර එම දඩ මුදල් නොගෙවන්නේ නම් වසරක අනිවාර්ය සිරදඩුවම තවත් මාස 06කින් දීර්ඝ කිරීමටයි නියම කර ඇත්තේ.
ගාල්ල ප්‍රධාන මහේස්ත්‍රාත් හර්ෂණ කැකුණළුවෙල මහතා විසින් අදාල නඩු තීන්දුව ප්‍රකාශයට පත්කරමින් වැඩිදුරටත් කියා සිටියේ, සිරදඩුවම ගෙවීයාමෙන් පසු මොවුන් 14 දෙනා මෙරටින් පිටුවහල් කරන ලෙසයි.
මෙසේ දඩ මුදල් සහ අනිවාර්ය සිරදඩුවම් නියම වුයේ, සංචාරක වීසා ලබාගෙන එම කොන්දේසි උල්ලංඝනය කරමින් ගාල්ල, දඩැල්ල ප්‍රදේශයේ ගොඩනැගිල්ලක කම්කරුවන් ලෙස කටයුතු කළ චීන ජාතිකයින් 14 දෙනෙකුටයි.