කොළඹ වරාය සේවකයින් අද (02) දහවල් සිට ආරම්භ කළ අඛණ්ඩ වැඩ වර්ජනය මීට සුළු වේලාවකට පෙර අවසන් කර තිබේ.
චීනයෙන් ගෙන් වු දොඹකර තුනක් කොළඹ වරායේ නැගෙනහිර පර්යන්තයේ සවි නොකිරීමට විරෝධය පළ කරමින් වරාය වෘත්තිය සමිති ක්‍රියාකාරීන් තිදෙනෙකු දොඹකරයකට නැග ඊයේ (01) දිනයේ ආරම්භ කළ උපවාසයට සහය පළ කරමින් එම වැඩවර්ජනය ක්‍රියාත්මක කළේය.
සියලු වෘත්තීය සමිති රැස් වී ගත් තීන්දුවකට අනුව වැඩවර්ජනය ආරම්භ කළ බව වරාය අධිකාරියේ ශ්‍රී ලංකා නිදහස් සේවක සංගමයේ සභාපති ප්‍රසන්න කළුතරගේ මහතා සඳහන් කළේය.
අදාළ දොඹකර වරායේ නැගෙනහිර පර්යන්තයේ සවි කිරීමට බලධාරින් එකඟතාව පළ කරන තුරු වැඩවර්ජනය අඛණ්ඩව සිදු කරන බව වරාය ශ්‍රී ලංකා නිදහස් සේවක සංගමයේ සභාපති ප්‍රසන්න කළුතරගේ මහතා පැවසීය.