මල්වඩම් ගැන කතාකරන අයට එදා 2009 මැයි 19ට පෙර සිය ගණනික් උතුරේ සිට දකුණට ආපු මළමිනී ඒම නවතපු නායකයා ගැන අමතක ගොස් ඇතැයි එක්සත් ජනතා නිදහස් සන්ධාන පාර්ලිමේන්තු මන්ත්‍රී නිරෝෂන් ප්‍රේමරතන් මහතා පවසයි.
අතීතය අමතක කරමින් අද මල්වඩම් ගැන කතා කරන නායකයන් එදා රණවිරුවන් මියයෑම නවතා දමමින් යුද්ධය නිමා කිරීමෙන් මේ දක්වා රටට ඉතිරිවන මුදල් ගැන වචනයක්වත් කතා නොකරන බවද මන්ත්‍රීවරයා සදහන් කළේය.
‘හටපු ජනාධිපති මහින්ද රාජපක්ෂ මහතා සංවේදී රාජ්‍ය නායකයෙක් විදිහට මළ ගෙදරකට මල්වඩමක් යැව්වා. ඒකට රුපියල් දාහක් දෙදාහක් වැයවෙන්න ඇති. හැබැයි රණවිරුවෙක් මියගියාම එදා අවමංගල්‍යයට රජයෙන් ලක්ෂයක් දෙකක් වියදම් කළා’
අද ඒ වියදමට වඩා රණවිරුවන්ගේත් සාමාන්‍ය ජනතාවගේත් ජීවිත ආරක්ෂා වෙලා තියනවා. මේවා ගැනයි කතා කරන්න ඕනෑ යැයිද නිරෝෂන් ප්‍රේමරන්ත මන්ත්‍රීවරයා පැවසීය.