ශ්‍රී ලංකාව සම්බන්ධයෙන් ජිනීවා මානව හිමිකම් කවුන්සිල යෝජනා ක්‍රියාත්මක කිරීම නිරීක්ෂණයට විනිශ්චයරුවන් සහ මානව හිමිකම් විශේෂඥයන්ගෙන් සමන්විත අන්තර්ජාතික කණ්ඩායමක් අවශ්‍ය බව හිටපු ජාත්‍යන්තර කොටි නායක වී රුද්‍රකුමාරන් පවසනවා.
සම්මත වූ යෝජනාවට අනුව අන්තර්ජාතික කණ්ඩායමකින් එය සිදුවනු දැකීම ශ්‍රී ලංකාවෙන් බැහැරව සිටින සියලූම දෙමළ ජනතාවගේ අපේක්ෂාව බවයි හිටපු කොටි නායකයා සඳහන් කළේ. ඒ සඳහා මිලියන 1යි දශම 4ක ජන සහභාගීත්වයකින් යුත් අත්සන් මිලියනයක් ලබාගැනීමේ ව්‍යාපෘතියක් ආරම්භ කරන බවද ඔහු කියාසිටී. සිදුවූ බව කියන යුද අපරාධ සම්බන්ධයෙන් සොයා බැලීමට එක්සත් ජාතීන්ගේ සංවිධානයේදී සම්මත වූ යෝජනාවට අනුව ශ්‍රී ලංකාවේද දෙමුහුම් අපරාධ අධිකරණයක් ස්ථාපනය කළ යුතු බවයි ඔහු අවධාරණය කර සිටියේ.