උතුරු පළාත් සභාවේ පරිපාලනය ජනාධිපතිවරයා යටතට ගත යුතු බව උතුරු පළාත් හිටපු ප්‍රධාන අමාත්‍ය සි.වි විග්නේෂ්වරන් පවසනවා.
එම ප්‍රදේශයේ දෙමළ ජනතාවගේ ඉල්ලීම් ලබාදීමෙන් පසුව උතුරු පළාත් සභා මැතිවරණය පැවැත්විය යුතු බවයි යාපනයේ පැවති උත්සවයකදී ඒ මහතා කියා සිටියේ.
කෙසේවෙතත් මැතිවරණයක් පැවැත්වීම සඳහා මෙම දිනවල උතුරේ යහපත් පරිසරයක් ගොඩනැගී නොමැති බවද විග්නේෂ්වරන් අවධාරණය කළා.
ඒ මහතා සඳහන් කළේ උතුරේ දෙමළ වැසියන් තුළ කවර ආණ්ඩුවක් පිළිබඳව හෝ විශ්වාසයක් ගොඩනැගී නොමැති පරිසරයක් තුළ පළාත් සභා මැතිවරණයක් පැවැත්වීම තුළින් ආණ්ඩුවට විශාල අවාසියක් සිදුවන බවයි.
ආණ්ඩුවට පක්ෂපාත උතුරේ දෙමළ පක්ෂ, උතුර පිළිබඳ රටට අසත්‍ය චිත්‍රයක් මවා පාමින් පළාත් සභා මැතිවරණය කඩිනමින් පවත්වාගැනීමේ උත්සහයක නිරත වන බවද සි.වි විග්නේෂ්වරන් එහිදී වැඩිදුරටත් කියා සිටියා.