කොවිඩ් නයින්ටීන් වසංගත තත්ත්වය හේතුවෙන් අමෙරිකාවේ කැලිෆෝනියා හි බන්ධනාගාර රැඳවියන් දස දෙනෙකු මියගොස් තිබේ.
උතුරු කැලිෆෝනියා හි සැන් ක්වෙන්ටින් හි පිහිටි බන්ධනාගාරයක රැඳවියන් මෙලෙස මියගොස් ඇති බව විදෙස් මාධ්‍ය වාර්තා කරයි.
එම බන්ධනාගාරයේ රැඳවියන් 4000 ක පමණ පිරිසක් සිටින අතර ඉන් 1400 දෙනෙකුට කොවිඩ් නයින්ටීන් වෛරසය ආසාදනය වී ඇත.
මේ අතර කැලිෆෝනියා ප්‍රාන්තයේ පිහිටි බන්ධනාගාරවල රැඳවියන් 2423 දෙනෙකු වෛරසය ආසාදනයට ලක්ව ඇති බව විදෙස් මාධ්‍ය පැවසීය.
එමෙන්ම ඒවායේ සේවකයින් 755 දෙනෙකුට ද කොවිඩ් නයින්ටීන් වෛරසය ආසාදනය වී ඇති බව විදෙස් මාධ්‍ය වාර්තා කරයි.