මොණරාගල තෙනගල්ලන්ද ප්‍රදේශයේදි ඉකුත් මැයි 31දා පුද්ගලයෙකුට වෙඩිතබා ඝාතනය කර කැලැ පැන සිටි සැකකරුවෙකුට පොලිසිය කල වෙඩි තැබිමකින් අද (05) දහවල් මියගොස් තිබේ.
මෙම වෙඩිතැබිමෙන් මියගොස් ඇත්තේ තෙනගල්ලන්ද.මාරාව,ඉත්තැකටුව ලිපිනයේ පදිංචිව සිටි කෝණාර මුදියන්සේලාගේ චමින්ද කුමාර යන අයයි.
මෙම සැකකරු යුධ හමුදාවෙන් පැනවිත් සැගව සිටි අයෙකු බව පොලීසිය පවසයි.
සැකකරුට පොලීසිය මෙම වෙඩිතැබිම කර ඇත්තේ එම සැකකරු අත්අඩංගුවට ගැනිම සදහා යාල ජාතික වනෝද්‍යානයට මායිම්ව ඇති කහමිබාන රක්ෂිත කැලයේ සිදුකල පොලිස් මෙහෙයුමක් අතරදි බව පොලිස් ආරංචි මාර්ග පවසයි.
මෙම සැකකරු ඉකුත් මැයි මස 31 දින රාත්‍රි 8.30ට පමණ මොණරාගල තෙනගල්ලන්ද ප්‍රදේශයේදි දිසානායක මුදියන්සේලාගේ සෝබිත දිසානායක යන අයට පෞද්ගලික ආරවුලකට වෙඩිතබා ඝාතනය කර තිබුණි.