Colombo Today Local News

ශ්‍රී ලංකා නිදහස් පක්ෂය අංශභාග රෝගියෙක්ගෙ තත්වයට පත්වෙලා – රෙජිනෝල්ඩ් කුරේ

තමන් ස්ථිර වශයෙන්ම ශ්‍රී ලංකා පොදුජන පෙරමුණට එකතු වන බව උතුරු පළාත් හිටපු ආණ්ඩුකාර රෙජිනෝල්ඩ් කුරේ මහතා පවසයි. 

ශ්‍රී ලංකා නිදහස් පක්ෂය සම්බන්ධයෙන් ඉතාම කර්කෂ විවේචනයක් ද ඉදිරිපත් කරමිනුයි ඒ මහතා මේ බව ප්‍රකාශ කළේ. 

“ශ්‍රී ලංකා නිදහස් පක්ෂය කියන්නා වූ වටිනා පක්ෂය නමැති බස් රථයේ ඩ්‍රයිවර් උන්නැහේ බස් එක එළවනවා කන්කසන්තුරේට. ඒත් බස් එකේ කොන්දොස්තර මහත්තයා ටිකට් කඩනවා දෙවුන්දරට. ඒනිසා බස් එක නවත්තන හැම හෝල්ට් එකෙදිම හතර පස් දෙනෙක් බස් එකෙන් බැහැලා යනවා. 

ශ්‍රීලනිපය තමාගේ දිසාව, අරමුණ, ප්‍රතිපත්ති අවුල් කරගෙන තිබෙන නිසා ස්වභාවික මරණයකට ගොදුරු වෙමින් පවතිනවා. අංශභාග රෝගියෙක්ගෙ තත්වයට පත්වෙලා තියෙනවා. 

දැන් ඔළුව නැතිව කඳ ෆයිට් කරන ශ්‍රීලංකා එකක් තමයි ඉතුරු වෙලා තියෙන්නෙ කියන එක මම තමුන්නාන්සෙලට කියන්න කැමතියි. දැන් අපේ පදනම දෙදරා ගිහිල්ලා ඉවරයි. 

පැහැදිලිවම මම ශ්‍රී ලංකා පොදුජන පෙරමුණේ සාමාජිකත්වය ලබාගන්නවා” යනුවෙන් ඒ මහතා ප්‍රකාශ කළේය. 

රෙජිනෝල්ඩ් කුරේ මහතා මේ බව පැවසුවේ ඊයේ (27) මහනුවරදී එස්.බී. දිසානායක මහතා සමඟ පැවැත්වූ මාධ්‍ය හමුවක් අමතමිනි. 

රෙජිනෝල්ඩ් කුරේ මහතා පැරණීතම ශ්‍රීලනිප සාමාජිකයකු වන අතර ශ්‍රීලනිපය පොහොට්ටුව සමඟ එකතු කිරීමට එරෙහිව “ශ්‍රීලනිපය සුරැකීමේ සංවිධානය” ලෙස එකතු වුණු ශ්‍රීලනිප ආසන සංවිධායකයින් මුලින්ම රැස්වී තිබුණේ ද ඒ මහතාගේ නිවසේය. එසේ කටයුතු ඔහුත් යළි පොහොට්ටුවටම එකතුවීම අපූර්ව සිදුවීමකි. 

Related posts

ආණ්ඩුව අභ්‍යන්තරයේ අගමැති රනිල් සහ මුදල් ඇමති රවී අතර ගැටුම්

colombotoday

උතුරේ වෙනම දෙමළ රාජ්‍යයක් සදහා ජනමතවිචාරණයක් කැදවයි !

colombotoday

“අදින් ඇරඹෙන්නේ ඒකීය ලංකාවේ අවසාන වසර විය හැකියි“ ආචාර්ය දයාන් ජයතිලක

colombotoday

සබරගමුවේ සිසුන් පිරිසක් අතර ගැටුමක්

Admin

දංකොටුව සතිපොළ මුස්ලිම් වෙළෙද ප්‍රජාවට තාවකාලිකව තහනම් කරන ලෙසට වෙන්නප්පුව ප්‍රා.ස. සභාපති ඉල්ලයි

colombotoday

“රන්ජන් කළේ පට්ටපල් බොරුවක්.. ඩිෆෙන්ඩරයේ ලියකියවිලි මා සතුයි” නියෝජ්‍ය ඇමති හාරිස්

colombotoday