විල්පත්තුව ගැන කෑගහන මිනිස්සු තමන්ගේ ගෙදර තියෙන මල් පැලයකටවත් වතුර දාන්නේ නැති අය බව විදුලි සංදේශ, විදේශ රැකියා සහ ක්‍රීඩා අමාත්‍ය හරීන් ප්‍රනාන්දු මහතා පවසයි.
ඒ මහතා මේ බව පැවසුවේ ඊයේ (01) SLT තාක්ෂණ විශ්ව විද්‍යාලයේ දී ආරම්භ කරන ලද “රට නගා සිටුවමු” යන මැයෙන් ආරම්භ කළ පැල සිටුවීමේ ව්‍යාපෘතියේ සමාරම්භක උත්සවයට එක් වෙමිනි.
එහිදී වැඩිදුරටත් අදහස් දැක්වූ අමාත්‍යවරයා,
පෙලපාලි යන්න උද්ඝෝෂණ කරන්න මිනිස්සු හිටියට වැඩක් කරන්න කීයෙන් කී දෙනෙක් කැප වෙයිද?. ඒ නිසා තමයි මම මේ පැල සිටුවීමේ වැඩසටහනක් ගැන හිතුනේ. පුටුවේ ඉදල කතා කරන පුද්ගලයෝ වෙනුවට එලියට බැහැලා වැඩ කරන පිරිසක් වීම ඔබේ යුතුකමක් යැයි වැඩිදුරටත් පැවසුවේය.