Colombo Today Local News

විරෝධතාකරුවන්ට පහරදීම ගැන නාමල් විවේචනය කරයි

තම පක්ෂයේ විරෝධතාවට එරෙහිව ගොනු කළ චෝදනා අධිකරණයේදී තහවුරු කර ගැනීමට පොලිසිය අසමත් වූ බව ‍පෙරටුගාමී සමාජවාදී පක්ෂය පවසයි.

මේ අතර අද සිය ට්විටර් ගිණුමේ සටහනක් තබමින් හිටපු පාර්ලිමේන්තු මන්ත්‍රි නාමල් රාජපක්ෂ මහතා ද පොලිසියේ ක්‍රියාකලාපය විවේචනය කර තිබුණි.

විරෝධතාවයේ නිරතවී නිරෝධායන නීති හා අධිකරණ නියෝග කඩ කිරීමේ චෝදනා මත අත්අඩංගුවට ගැනුණු විරෝධතාකරුවන් 53 දෙනා ඊයේ රාත්‍රියේ ඇප මත මුදාහැරුණි.

අමෙරිකානු ජාතික ජෝජ් ෆ්ලොයිඩ්ගේ ඝාතනය හෙළා දකිමින් විරෝධතා පැවැත්වූ පෙරටුගාමී සමාජවාදී පක්ෂයේ 53 දෙනෙකු ඊයේ දහවල් පොලිස් අත්අඩංගුවට පත් විය.

ඒ අධිකරණ නියෝගය කඩ කිරීම සහ නිරෝධායන නීතී උල්ලංඝනය කිරීමේ චෝදනාව මතයි.

එම පිරිස ඊයේ සවස කොටුව මහේස්ත්‍රාත් අධිකරණය හමුවට ඉදිරිපත් කිරීමෙන් අනතුරුව ඇප මත මුදා හැරුණි.

මෙම සිදුවීම පිළිබඳ මෙරට අමෙරිකානු තානාපති කාර්යාලය නිවේදනයක් නිකුත් කරමින් කියා තිබුණේ සාමකාමි ලෙස විරෝධතා පැවැත්වීමට සියලු දෙනාටම අයිතිය ඇති බවයි.

පෙළපාලිය අවහිර කරන මෙන් තානාපති කාර්යාලයෙන් කිසිඳු ඉල්ලීමක් කර නොමැති බවත් රටේ සිටින තානාපති කාර්යාල මණ්ඩල සහ පරිශ්‍ර ආරක්ෂා කරමින් ශ්‍රී ලංකා රජය හා නීතිය බලාත්මක කරන ආයතන කොව්ඩ් ව්‍යාප්තිය පාලනය සඳහා දරන වෑයම අගය කරන බවත් එම නිවේදනයේ සඳහන්ව තිබුණි.

Related posts

අනුබුදු මිහිදු මාහිමියන් පිරිණිවන් පා වසර 2228 යි… අනුස්මරණ උත්සවයට රාජ්‍ය අනුග්‍රහය දැක්වීම රජය ප්‍රතික්ශේප කරයි…

colombotoday

ඉන්ධන මිල සූත්‍රය නොගැලපෙන්නක් – හිටපු මුදල් අමාත්‍ය රවී කරුණානායක

colombotoday

නාමල් රාජපක්ෂ අත්අඩංගුවට ගැනීමට CID පරීක්ෂණ ඇරඹෙයි

colombotoday

අයිස්පීල්ල කඳු රක්ෂිතයේ අක්කර 60ක් ගිනි බත් වෙයි

colombotoday

LIOC සමාගමට නව ඉන්ධන පිරවුම්හල් 50ක් ස්ථාපනය කිරීමට අවසර

colombotoday

ලිට්‍රෝ ගෑස් මිල පහළට

Admin