අන්තවාදීන් කිසි විටෙකත් රටේ ප‍්‍රශ්නවලට විසඳුම් ලබා නොදෙන බවත්, ජිනීවා යෝජනාවට එරෙහිව බෙදුම්වාදය පෝෂණය කරන අන්තවාදී සංවිධාන මානව හිමිකම් කවුන්සිලයේදී කරුණු දැක්වූ බවත් ජනාධිපතිවරයා පෙන්වා දුන්නා. යුද්ධයෙන් ත‍්‍රස්තවාදය මුලිනුපුටා දැමුවා සේම මතවාදී වශයෙන් බෙදුම්වාදය පරාජය කිරීමට වත්මන් ආණ්ඩුව කටයුතු කරන බවයි මෛත‍්‍රීපාල සිරිසේන මහතා කියා සිටියේ. අමෙරිකානු සංචාරය නිමා කර දිවයිනට පැමිණීමෙන් අනතුරුව ජනාධිපති මන්දිරයේ සංවිධාන කර තිබූ මාධ්‍ය හමුවේදී ජනාධිපතිවරයා එම අදහස් පළ කළා.
දීර්ඝ කාලයක් මෙරට සහ අන්තර්ජාතික ප‍්‍රජාවගේ කතාබහට ලක්වූ විදුලි පුටුව මින් ඉදිරියට කිසිවකුගේ අවධානයට ලක් නොවන බව ජනාධිපති මෛත‍්‍රීපාල සිරිසේන මහතා අවධාරණය කරනවා. ජනාධිපතිවරයා පෙන්වා දෙන්නේ විදුලි පුටුව සේම හයිබි‍්‍රඞ් අධිකරණය පිළිබඳවද මින් ඉදිරියට කිසිදු කතාබහක් ඇති නොවන බවයි. වත්මන් ආණ්ඩුවේ ප‍්‍රථම කාර්යය ලෙස රට බේරා ගැනීමේ මෙහෙයුමේදී ජගත් සංවිධානය හමුවේ තමන් තැබූ සලකුණ ඉදිරියට ගෙන යාම ජනතාවගේ කාර්යභාරයක් බව මෛත‍්‍රීපාල සිරිසේන මහතා සඳහන් කළා.