Colombo Today Local News

විග්නේෂ්වරන් අධිකරණයට අපහාස කිරීම.. නඩුව විභාගයට ගන්නවාද, නැද්ද – තීරණය දෙසැම්බරයේ

අධිකරණ නියෝගයක් පිළිනොපැදීම හේතුවෙන් අධිකරණයට අපහාසයක් සිදුකරන ලදැයි හිටපු
ශේ‍ර්ෂ්ඨාධිකරණ විනිසුරුවරයකුද වන උතුරු පළාත් මහ ඇමැති සී.වී. විග්නේශ්වරන් මහතාට එරෙහිව ගොනු කොට ඇති නඩුව ඉවත දමන ලෙස ඉල්ලා සිටිමින් ඔහු විසින් ඉදිරිපත් කරන ලද විරෝධතාව පිළිගන්නේද නැද්ද යන්න පිළිබඳ තීන්දුව දෙසැම්බර් මස 10 දින ප්‍රකාශයට පත් කිරීමට අභියාචනාධිකරණය තීන්දු කළේය.

කුමුදුනී වික්‍රමසිංහ හා ජනක් ද සිල්වා යන ද්විපුද්ගල අභියාචනාධිකරණ විනිශ්චය මණ්ඩලය හමුවේ මෙම කරුණ පෙරේදා (16දා) විමසුමට ලක් විය.

උතුරු පළාත් ධීවර හා ගමනාගමන ඇමැති ධුරයෙන් තමා ඉවත් කිරීමට එරෙහිව බාලසුබ්‍රමනියම් ඩෙනීශ්වරන් මහතා විසින් ඉදිරිපත් කළ රීට් පෙත්සමක් විභාග කළ අභියාචනාධිකරණය පෙත්සම් විභාගය ආරම්භයේදීම ඉල්ලා සිටි අතුරු සහනයක් ලබාදෙමින් එකී ඇමැති ධුරයන්ට ඔහු යළි පත්කරන ලෙසට මහ ඇමැතිවරයාට අතුරු නියෝගයක් නිකුත් කළේය.

එහෙත් එම නියෝගය ක්‍රියාත්මක නොකරන ලදැයි අභියාචනාධිකරණයට පැමිණිලි කළ පෙත්සම්කාර ඩෙනීශ්වරන් මහතා එසේ ක්‍රියාකිරීම මඟින් මහ ඇමැතිවරයා අධිකරණයට අපහාස කිරීම සම්බන්ධයෙන් නීතිය ක්‍රියාත්මක කොට දඬුවම් ලබාදෙන ලෙස ඉල්ලා සිටියේය.

මහ ඇමැතිවරයා එම ඉල්ලීමට විරෝධතාවක් ඉදිරිපත් කරමින් එකී අධිකරණයට අපහාස කිරීමේ චෝදනාව ඉවත දමන ලෙස අභියාචනාධිකරණයෙන් අයැද සිටියේය.

ඒ පිළිබඳ සිය තීන්දුව දෙසැම්බර් 10 වැනි දින ප්‍රකාශ කිරීමට පෙරේදා (16දා) අභියාචනාධිකරණය තීන්දු කරනු ලැබීය.

Related posts

රාජ්‍ය ආයතනවලට නිලධාරීන් පත් කිරීම සදහා වූ සිව් පුද්ගල කමිටුව නම් කරයි !

colombotoday

අලියා අතහැර සජිත් හංසයාගෙන් සටනට… දිනුවත්, පැරදුණත් එජාප නායකකම රැකගන්න රනිල් ගහපු ගැටේ මෙන්න !

colombotoday

“ප්‍රභාකරන් වැඩි කාලයක් ඇසුරු කිරීමට නොලැබීම ගැන කණගාටු වෙනවා” – එරික් සෝල්හයිම්

colombotoday

සියක් වසක් ආයු විද දකුණේ මහ යතිරුවණක් අපවත් වෙති

colombotoday

පස්සේ සගවා ගත් රත්‍රන් එක්ක ඇඹරෙද්දී කෝටි 17ක රත්තරන් කටුනායකදී මාට්ටු

colombotoday

ආසාදිතයින් 2500 පැන්නොත් සෞඛ්‍ය පද්ධතියම කඩා වැටේවි – අනතුරු ඇඟවීමක්

colombotoday