Colombo Today Local News

රාජිත-රන්ජන්-රංජිත් ඇතුළු හිටපු මැති ඇමතිවරුන් කිහිප දෙනෙක් අද දේශපාලන පලිගැනීම් පිළිබඳ ජනපති කොමිසමට පැමිණේ

රාජිත සේනාරත්න, රන්ජන් රාමනායක, රංජිත් මද්දුමබණ්ඩාර, ඇතුළු පසුගිය රජයේ මැති ඇමතිවරුන් ඇතුළු පිරිසක් අද දේශපාලන පලිගැනීම් පිළිබඳ විමර්ශනය කිරීමේ ජනාධිපති කොමිසම හමුවේ පෙනී සිටීමට නියමිතව ඇත.

ඒ වයඹ නාවික ආඥාපති රියර් අද්මිරාල් ඩී.කේ.පී දසානායක මහතා විසින් ජනාධිපති කොමිසම වෙත සිදුකළ පැමිණිල්ල සම්බන්ධයෙන් සිදුකෙරෙන විමර්ශනයට අදාලවයි.

2008 වසරේදී තරුණයින් 11 දෙනෙකු පැහැරගෙන ගොස් අතුරුදන් කිරීමේ සිද්ධියට අදාලව අසත්‍ය සාක්ෂි ගොනු කරමින් තමාට එරෙහිව මහාධිකරණය හමුවේ නඩු පැවරූ බව පවසමින් ඩී.කේ.පී දසානායක මහතා විසින් මෙම පැමිණිල්ල ගොනු කර තිබේ.

අදාල පැමිණිල්ලේ වගඋත්තරකරුවන් ලෙස නම් කර ඇති පසුගිය රජයේ කැබිනට් සහ රාජ්‍ය ඇමතිවරුන් ඇතුළු 6 දෙනෙකුට අද කොමිසම හමුවේ පෙනී සිටින ලෙස දන්වමින් පසුගිය 6 වනදා සිතාසි නිකුත් කළේය.

රංජිත් මද්දුමබණ්ඩාර, රාජිත සේනාරත්න, රන්ජන් රාමනායක, අජිත් පී. පෙරේරා, ඩී.එම්.ස්වාමිනාදන්, ජේ.සී වැලිඅමුණ සහ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ රවී විද්‍යාලංකාර මහතා අද දිනයේ දේශපාලන පලිගැනීම් පිළිබද සෙවීමේ ජනාධිපති කොමිසම හමුවේ පෙනී සිටීමට නියමිතය.

Related posts

TNA මන්ත්‍රී ප්‍රභාකරන්ගේ ගෙදර කේක් කපා උපන් දිනය සමරයි !

colombotoday

“ඡන්දෙ තියන්න බැරිනම් ඉදල වැඩක් නෑ.. ඉල්ලා අස්වෙනවා” – මැ.කො. සභාපති

colombotoday

පොලිස් නිලධාරීන් සිවුදෙනෙකු නිවසක් කොල්ලකති

Admin

රුවන්වැල්ලේ ඝාතනයක්

Admin

අගමැතිකමෙන් ඉවත් නොවන්නැයි මහින්ද රනිල්ට කීවා..

colombotoday

ජාතියේ ඉරණම තීන්දු කරන තීරණාත්මක මොහොතේ සියළු දේශප්‍රේමීන්ට ඥාණසාර හිමියන්ගෙන් විශේෂ ඉල්ලීමක්

colombotoday