හිටපු අමාත්‍ය පාඨලී චම්පික රණවකගේ රියදුරු ලෙසට කටයුතු කළ දිලුම් තුසිත කුමාර සහ වැලිකඩ පොලිසියේ හිටපු ස්ථානාධිපති සුදත් අස්මඩල යන අයට කොළඹ මහාධිකරණය අද (20)දින අධිචෝදනා භාර දෙන ලදි.
ඒ 2016 වර්ෂයේදී රාජගිරිය ප්‍රදේශයේදී හිටපු ඇමැති පාඨලී චම්පික රණවක ගමන් කළ බව කියන මෝටර් රථයේ ගැටී තරුණයකු තුවාල ලැබීමේ සිද්ධිය සම්බන්ධයෙන් නීතිපතිවරයා ගොනු කළ පළමු නඩුව සම්බන්ධයෙන්.
ඒ අනුව විත්තිකරුවන් දෙදෙනා රුපියල් 10,000 ක මුදල් ඇපයක් සහ රුපියල් ලක්ෂ පහක ශරීර ඇප දෙකක් මත මුදා හැරීමට කොළඹ මහාධිකරණ විනිසුරු ගිහාන් කුලතුංග නියෝග කළා.
මෙම නඩුවේ විත්තිකරුවෙකු වන හිටපු අමාත්‍ය පාඨලී චම්පික රණවක අද දින නව වන පාර්ලිමේන්තුවේ නව සැසිවාර ආරම්භ වන බැවින් ඊයේ (19) දින අධිකරණයේ පෙනී සිටියා.
ඒහිදී මෙම නඩුව අගොස්තු මස 28 වැනිදා කැඳවීමට මහාධිකරණය නියෝග කළා.
එම රිය අනතුර සිදුකළ වරදකරු වසන් කිරීමට තැත් කිරීමේ චෝදනාව සම්බන්ධයෙන් ද නීතිපතිවරයා විසින් එවකට වැලිකඩ පොලිසියේ හිටපු ප්‍රධාන පොලිස් පරීක්ෂක වත්මන් සහකාර පොලිස් අධිකාරී සුදත් අස්මඩලට, පාඨලී චම්පික රණවකගේ රියදුරුට සහ හිටපු අමාත්‍ය පාඨලී චම්පිකට එරෙහිව නීතිපතිවරයා කොළඹ මහාධිකරණය හමුවේ නඩු පවරනු ලැබුවා.