අතුරුගිරිය පොලිස් වසමේ, තලංගම පයිප්ප පාර ප්‍රදේශයේ දී පොලීසිය විසින් සිදුකළ වැටලීමක දී අයිස් මත්ද්‍රව්‍ය සමග සැකකරුවෙක් හා සැකකාරියක් අත්අඩංගුවට ගෙන තිබේ.
පොලිස් අත්අඩංගුවේ පසුවෙන “රයිඩර්” නැමති හෙරොයින් ජාවාරමට සම්බන්ධ සැකකරුවෙකුගෙන් කරන ලද ප්‍රශ්න කිරීම්වලින් ලද තොරතුරු මත මෙම වැටලීම සිදුකර ඇත.
එහිදී අයිස් ග්‍රෑම් 150ක් සහ යතුරුපැදි 3ක් අත්අඩංගුවට ගෙන තිබේ.
අත්අඩංගුවට ගත් සැකකරු හා සැකකාරිය වයස අවුරුදු 32 ක් වු මොරටුව හා පිළියන්දල ප්‍රදේශයේ පදිංචිකරුවන් ය.
මොවුන් අද (22)දින හෝමාගම මහෙස්ත්‍රාත් අධිකරණය වෙත ඉදිරිපත් කිරීමට නියමිත ව ඇත.
තලංගම, අතුරුගිරිය, කඩුවෙල, නවගමුව ප්‍රදේශවල මොවුන් දෙදෙනා අයිස් මත්ද්‍රව්‍ය ජාවාරම සිදුකර ඇති බවට ද පොලීසියට තොරතුරු ලැබී තිබේ.
අතුරුගිරිය පොලීසිය වැඩිදුර විමර්ශන පවත්වයි.