ශ්‍රී ලංකා හමුදාවට එරෙහි යුද අපරාධ චෝදනා විමර්ශනය කිරීමට විදේශ විනිසුරුවන් හා නීතිවේදීන් ශ්‍රී ලංකාවට කැඳවන ලෙස එන් ජී ඕ ක්‍රියාකාරින් 41 ක් රජයෙන් ඉල්ලා ඇත.
මෙම විදේශ විනිසුරුවරුන් හා නීතිවේදීන්ට විශේෂ අධිකරණ තුළ කටයුතු කිරීම සඳහා නීති කෙටුම්පත් කරන ලෙසද එකී පිරිස විසින් ඉල්ලා තිබේ.
විදේශ අරමුදල් මත යෑපෙන මෙම එන්. ජී. ඕ. ක්‍රියාකාරින් එකී ඉල්ලීම කර ඇත්තේ විදේශ විනිසුරුවරුන් මෙරටට කැඳවීම ගැන දැඩි විරෝධයක් පවතින අවස්‌ථාවේදීය.
මෙම එන් ජී. ඕ. ක්‍රියාකාරින්ගෙන් එක්‌ අයෙක්‌ වන්නි මෙහෙයුම නතර කිරීමට එක්‌සත් ජාතින්ගේ හමුදාවක්‌ කැඳවීමට උත්සාහ කළ අයකු බවද හෙළිවී තිබේ.