මහජනතාව තුළ නොමැති ජාතිවාදයක් පාලකයන් රට තුළ ගොඩනගා ඇති බව ජාතික ජන බලවේගයේ කොළඹ දිස්ත්‍රික් අපේක්ෂක අනුර කුමාර දිසානායක මහතා පවසයි.
ජාතික ජන බලවේගය සංවිධාන කළ ආර්ථික සමුළුවක් ඊයේ (23)දින ශ්‍රී ලංකා පදනම් ආයතනයේ දී පැවැත්වුණි.
එහිදී අදහස් දක්වමින් ඔහු මෙම අදහස් පළ කළේය.
වසර 30ක යුද්ධයකින් පීඩාවිඳි රටක් නැවත වසර 5ක් යනතුරුවත් ගැටුමකින් තොරව පවත්වාගෙන යාමට මෙරට පාලකයින්ට නොහැකි වු බවත් සියල්ල අසාර්ථක වු තැන පාලකයින් යළි යළිත් ජාතිවාදය නැමැති මඩ ගොහොරුවේ සැඟවෙන බවත් ඔහු එහිදී පැවසීය.
පොදු ජනතාව තුළ ජාතිවාදය නැති අතර මෙරට ඇත්තේ දේශපාලන ජාතිවාදයක් පමණක් බවත් අනුර කුමාර දිසානායක මහතා කියා සිටියේය.