Colombo Today Local News

මැතිවරණ කොමිසම හා දේශපාලන පක්ෂ නියෝජිතයින් ඇවිලේ

මැතිවරණ ක්‍රියාදාමය පවත්වාගෙන යාමේදී මැතිවරණ කොමිෂන් සභාවද කිසියම් නම්‍යශීලිභාවයකින් කටයුතු කළ යුතු බව ශ්‍රී ලංකා නිදහස් පක්ෂ මහ ලේකම් දයාසිරි ජයසේකර මහතා පවසයි.

මැතිවරණ කොමිසම සහ දේශපාලන පක්ෂ නියෝජිතයින් අතර සාකච්ඡාවක් අද (17)දින පෙරවරුවේ රාජගිරියේ පිහිටි මැතිවරණ මහලේකම් කාර්යාල පරිශ්‍රයේදී පැවැත්වුණි.

මෙම සාකච්ඡාවට පොලිස් නිලධාරීන්, සෞඛ්‍ය අංශ නියෝජිතයින් මෙන්ම මැතිවරණ නිරීක්ෂණ සංවිධානවල නියෝජිතයින් ද එක්ව සිටි බව අප වාර්තාකරු පැවසීය.

මහ මැතිවරණයේ මනාප අංක ප්‍රකාශයට පත්කිරීමෙන් අනතුරුව මැතිවරණ කොමිසම දේශපාලන පක්ෂ නියෝජිතයින් හමුවූ පළමු අවස්ථාව මෙය වේ.

මෙහිදී දේශපාලන පක්ෂ කාර්යාලවල අපේක්ෂකයින්ගේ මනාප අංකය සහ ඡායාරූප ප්‍රදර්ශනය කිරීම සම්බන්ධයෙන් දේශපාලන පක්ෂ නියෝජිතයින් සහ මැතිවරණ කොමිසම අතර ඉතා උණුසුම් කථාබහක් සිදුව තිබේ.

මැතිවරණ කොමිසමේ සභාපතිවරයා දේශපාලන පක්ෂවල ඉල්ලීමට කිසියම් එකඟතාවක් පළකර ඇතත් කොමිසමේ සෙසු සාමාජිකයින් දෙදෙනා ඊට කිසිදු එකඟතාවයක් පළකර නොමැති බව වාර්තා වේ.

සියලු දේශපාලන පක්ෂ නියෝජිතයින් මෙම කාරණය දැඩිව අවධාරණය කර ඇති අතර කොමිසමේ සභාපතිවරයා හැර අනෙක් සාමාජිකයින් දෙදෙනා දැඩිව ප්‍රකාශ කර ඇත්තේ මනාප අංක සහ ඡායාරූප පළකිරීම නීත්‍යානුකූලවම සිදුවිය යුතු බවය.

එහෙත් පසුගිය මැතිවරණවලදී මැතිවරණ කොමිසම සහ දේශපාලන පක්ෂ අතර කිසියම් එකඟතාවයකට අනුව මනාප අංක සහ ඡායාරූප ප්‍රදර්ශනය කිරීම සිදුකර ඇති බව ද එම අවස්ථාවට එක්වූ මැතිවරණ නිරීක්ෂණ සංවිධාන පෙන්වා දී ඇත.

Related posts

‘ඇමතිකමෙන් ඉවත් කළොත් බැඳුම්කර රහස් එළි කරනවා‘ ප්‍රබල ඇමතිගෙන් අගමැතිට තර්ජණ !

colombotoday

සීඝ්‍රගාමී දුම්රියක කැබ් රථයක් ගැටෙයි

Admin

කහ කිලෝ 902 ක් සමග සැකකරුවන් දෙදෙනෙකු මන්නාරම් වෙරළ තීරයේදී අත්අඩංගුවේ

colombotoday

බෞද්ධ සංස්කෘතියට අපහාස කරන සමලිංගික චිත්‍රපටයක් රජයේ අනුමැතියෙන් රටපුරා ප්‍රදර්ශනයේ !

colombotoday

මුඛ ආවරණ නොමැතිව සිටි 14 කට කොවිඩ් පොසිටිව්

colombotoday

නිවාස ඇමතිටත් උපාධි ගැටළුවක්?

Admin