දෙමළ ඊළාම් ජාත්‍යන්තර රජය (Transnational Government of Tamil Eelam (TGTE)) නමැති දිවයිනෙන් බැහැරව ක්‍රියාත්මක කොටි ත්‍රස්තවාදීන්ගෙන් සැදුම්ලත් සංවිධානයක් විසින් බ්‍රිගේඩියර් ප්‍රියංක ප්‍රනාන්දුට එක්සත් රාජධානියෙන් පිටවීමට ඉඩ නොදෙන ලෙස එරට රජයෙන් ඉල්ලා තිබෙනවා. කොටි නායක වේලුපිල්ලේ ප්‍රභාකරන් පරලොව යවමින් ත්‍රස්තවාදය මුලිනුපුටා දැමීමේ මානුෂිය මෙහෙයුමේ ඉදිරියෙන් සිටි සෙන්පතියකු වීම හේතුවෙන් බ්‍රිගේඩියර්වරයාට එරෙහිව, “සිවිල් වැසියන් මරාදමුවා”යැයි චෝදනා කර සිටින එම ත්‍රස්ත සංවිධානය ඔහුට විරුද්ධව යුධ අපරාධ චෝදනා යටතේ ක්‍රියාකලයුතු බව එක්සත් රාජධානි රජයෙන් ලිකිත ඉල්ලීමක් සිදුකර තබෙනවා.
බ්‍රිගේඩියර් ප්‍රියංක ප්‍රනාන්දු 59 වන සේනාංකයේ ගැමුණු බළඇණියේ 2009 වර්ෂයේ යුද්ධයේ අවසන් මාස කිහිපය තුළ සේවය කර ඇති බවත් ඔවුන් යුද අපරාධ සහ මානව වර්ගයාට එරෙහි අපරාධ සම්බන්ධයෙන් වගකිව යුතු බවත් “දෙමළ ඊළාම් ජාත්‍යන්තර රජය” සඳහන් කර සිටියි. එක්සත් ජාතීන්ගේ සංවිධානය සහ අනෙකුත් සංවිධාන වලට අනුව, 59 වන සේනාංකය ඉදිරි ආරක්ෂක වලල්ලේ සිට රෝහල්, ආහාර බෙදා හැරීමේ මධ්‍යස්ථාන සහ සිවිල් වැසියන්ට ප්‍රහාර එල්ල කිරීම් ඇතුළු විවිධ යුද අපරාධ රැසක් සිදු කළ බවට චෝදනා එල්ලකර සිටියි.