කොළඹ රිමාන්ඩ් බන්ධනාගාරයේ සිදුකළ සෝදිසි මෙහෙයුම්වලදී සඟවා තිබු ජංගම දුරකථන තුනක් සොයාගෙන තිබේ.
රැඳවියන් රඳවා තබන වාට්ටුවක වහලය මත තිබී මෙම දුරකථන සොයාගත් බව බන්ධනාගාර ප්‍රකාශකයෙකු සඳහන් කළේය.
මේ අතර, කොළඹ මැගසින් බන්ධනාගාරයේ සිදුකළ සෝදිසි කිරීම්වලදී හෙරොයින් ග්‍රෑම් එකකට අධික ප්‍රමාණයක් සොයාගෙන තිබේ.
රැඳවියන්ට ලබාදෙන කලිසම් සාක්කුවක ඉතා සූක්ෂම ලෙස සඟවා තිබිය දී මෙම හෙරොයින් සොයාගෙන ඇති බව වාර්තා වේ.