පාසැල් සිසුවියක පුළුස්සා මරාදැමූ බවට චෝදනා ලැබ වරදකරුවන් වූ, එම සිසුවිය ඉ‌ගෙනුම ලැබූ පාසලේ විදුහල්පති ඇතුළු චූදිතයින් 16ද‌ෙනකුට බංගලාදේශයේ අධිකරණය ඊයේ (24) මරණ දඬුවම නියම කළේය.
පසුගිය අප්රේල් මාසයේදී ඩකා අගනුවරට කිලෝමීටර් 160ක් පමණ දුරින් පිහිටි ෆෙනී දිස්ත්‍රික්යේ මද්‍රාසා පාසලකදී මෙම 18 හැවිරිදි තරුණිය ඝාතනය කර තිබිණි.
තරුණියගේ ඝාතනය සම්බන්ධව බංගලාදේශය පුරා උද්ඝෝෂණ පැවැත්වුණු අතර සිද්ධියට සම්බන්ධ වූවන්ට නීතිය ක්‍රියාත්මක කරන ලෙස රජයට ජනතාවගෙන් බලපෑම් එල්ල විය.
බංගලාදේශ අගමැතිනී ෂෙයික් හසීනා මහත්මිය තරුණියගේ පවුලේ සාමාජිකයන් හමුවී වරදකරුවන්ට කඩිනමින් දඬුවම් ලබාදෙන බවට පොරොන්දු වී තිබිණ.
මරණ දඬුවම ලැබූ අය අතර ඇය ඉ‌ගෙනුම ලැබූ පාසලේ සිසුහු දෙදෙනෙක් ද සිටිති.