1979 වසරේ සිට චීනයේ ක්‍රියාත්මක වූ එක්දරු උපත් නීතිය ඊයේ 29 දින පටන් ඉවත් කිරීමට චීන රජය තීරණය කර ඇත. ඉදිරි වසර 5ක කාලය තුළ චීනය සම්බන්ධයෙන් ගත යුතු ක්‍රියාමාර්ග සාකච්ඡා කිරීම සදහා එරට පාලක පක්ෂය විසින් පැවැත්වූ තීරණාත්මක සාකච්ඡාවකදීයි මෙම තීරණය ගෙන ඇත්තේ.
නව තීරණය අනුව සියලූම විවාහක යුවළ සඳහා දරුවන් දෙදෙනෙකු බිහි කිරීමේ අවස්ථාව උදාවනු ඇති.
එක් දරුවෙකු පමණක් බිහි කිරීමට අදාළ මතභේදාත්මක නීතිය හේතුවෙන් නව දරු උපත් කෝටි 40 වළකා ගැනීමට හැකි වූ බව එරට මාධ්‍ය වාර්තා කර තිබුණේ. එක් දරු නීතිය කඩ කරන විවාහක යුවළ සදහා දඩුවම් පැමිණවීමද සිදු කෙරුණු අතර දඩ නියම කිරීම, රැකියා අහිමි කිරීම, බලහත්කාරයෙන් ගබ්සා කිරීම ඇතුළු දඩුවම් ඊට අයත්.