කොවිඩ් අවදානම හේතුවෙන් නවසිලන්ත මහා මැතිවරණය මසකින් කල් දැමීමට අග්‍රාමාත්‍ය ජසින්ඩා අර්ඩන් පියවර ගෙන තිබේ.
නවසිලන්තයේ ඕක්ලන්ඩ් හි කොවිඩ් ආසාදිතයින් සංඛ්‍යාව දෛනිකව ඉහළ යාම හේතුවෙන් මෙම පියවර ගත් බව විශේෂ ප්‍රකාශයක් කරමින් අග්‍රාමාත්‍යවරිය සඳහන් කර ඇත.
ඒ අනුව, සැප්තැම්බර් 19 වනදා පැවැත්වීමට නියමිතව තිබු මැතිවරණය ඔක්තොම්බර් මස 17 වනදා පැවැත්වීමට නියමිතය.
දින 100කට අධික කාලයකට පසුව පසුගිය සතියේ පළමු වරට නවසීලන්තයෙන් නව කොරෝනා වෛරස ආසාදිතයින් සිව් දෙනෙකු වාර්තා විය.
එම ආසාදිතයින් වාර්තා වු ඔක්ලන්ඩ් නුවර වසා දැමීමට මේ වන විට බලධාරීන් පියවර ගෙන ඇති අතර මේ දක්වා ඒ ආශ්‍රිතව වාර්තා වී ඇති සමස්ත ආසාදිතයින් සංඛ්‍යාව 69 දෙනෙකු දක්වා ඉහළ ගොස් තිබේ.