නව
ව්යවස්ථාවක් ගෙන ඒම මේ මොහොතේ යෝග්‍ය නොවන බවත්, මැතිවරණයකට පසුව ඒ
සඳහා කටයුතු කිරීම වඩා සුදුසු වන බවත්, මල්වතු පාර්ශවයේ මහා නායක අතිපූජ්‍ය
තිබ්බටුවාවේ ශ්‍රී සිද්ධාර්ථ සුමංගල මහනාහිමියෝ පැවසූහ.
මෙම
ව්‍යවස්‌ථා ක්‍රියාවලිය වසර දෙක තුනක පටන් ආරම්භ කර ඉදිරියට පවත්වා ගෙන ආ
එකක් බවත් මෙය කඩිමුඩියේ ගෙන එන එකක් ලෙස පිළිගත නොහැකි බවත් කී
මහනාහිමියෝ පවතින තත්ත්වය අනුව මෙම අවස්‌ථාවේ නව ව්යවස්ථාවක් ගෙන ඒමට
අවශ්‍ය කාලය නොමැති බැවින් වඩා සුදුසු වන්නේ ජනාධිපතිවරණ මහමැතිවරණ පළාත්
සභා මැතිවරණ ආදී මැතිවරණ සියල්ල අවසාන වීමෙන් පසු මේ සඳහා කටයුතු කිරීම බවද
කීහ.
එබැවින් ඉදිරියට ඇති කාලසීමාවේදී ව්‍යවස්‌ථා සංශෝධන පසෙක
තබා ජනතාවගේ ගැටලු සඳහා විසඳුම් සොයා බලා ජනතාවට සහන ලබා දීමට කටයුතු
කිරීම යෝග්‍ය බව ද උන්වහන්සේ ප්‍රකාශ කළහ.