සමගි ජන බලවේගයේ රත්නපුර දිස්ත්‍රික් පාර්ලිමේන්තු මන්ත්‍රිනි තලතා අතුකෝරල, හිටපු පොලිස්පති පූජිත් ජයසුන්දර හා සහකාර බන්ධනාගාර කොමසාරිස් ධම්මිකා වික්‍රමසිංහ යන මහත්ම මහත්මීන් දේශපාලන පළිගැනීම් පිළිබඳ විමර්ශනය කරන ජනාධිපති පරීක්ෂණ කොමිසම හමුවේ අද (24) දින පෙනී සිටීමට නියමිතව තිබේ.
නොතීසි ලත් එම පාර්ශ්වයන් අද දින මෙම කොමිසම හමුවේ පෙනී සිටීමට නියමිතව ඇත්තේ හිටපු බන්ධනාගාර කොමසාරිස් එමිල් රන්ජන් ළමාහේවා මහතා විසින් කොමිසම වෙත ඉදිරිපත් කර තිබෙන පැමිණිල්ලේ වැඩිදුර විමර්ශනයන් සඳහායි.