ශ්‍රී ලංකා නිදහස් පක්ෂයෙන් ආණ්ඩුවට එන මන්ත්‍රීවරුන්ට ඇමැති තනතුරු නොදෙන්නේ යැයි ජනාධිපතිවරයා පැවැසීම ඉතා නරක නපුරු තත්ත්වයකැයි පත් කළ මන්ත්‍රී බිමල් රත්නායක මහතා පාර්ලිමේන්තුවේදී අද (19) පැවැසීය.
රත්නායක මහතා මේ බව පැවසුවේ විධායක ජනාධිපති ක්‍රමය අහෝසි කළ යුතු යැයි සඳහන් සභාව කල්තබන අවස්ථාවේ යෝජනාව පිළිබඳ විවාදයේදීය.
බිමල් රත්නායක මහතා මෙසේද කීය.
“ශ්‍රී ලංකා නිදහසේ පක්ෂයෙන් ආණ්ඩුවට එන අයට ඇමැති තනතුරු නොදීම නපුරු තත්ත්වයක්. නමුත් ජනාධිපතිතුමා ළඟට එන අයට ඇමැතිකම් දෙනවා. එය හොඳ දේශපාලනයක් නෙවෙයි. ජනපති තනතුර පෞද්ගලික වාසියට නොව රට වෙනුවෙන් පාවිච්චි කළ යුතුයි.
ලොකු තනතුරු ලැබුණාම සමහරුන්ට අං නොව අං තට්ටු එනවා. ජනාධිපතිතුමා දැන් හිතන්නේ එතුමා එංගලන්තයේ බකිංහැම් මාළිගාවේ කෙනෙක් විදිහටයි.”