ඒඩ්ස්‌ (එච්. අයි. වී.) වෛරසය ශරීරගත වී ඇද්දැයි පසුගිය 2015 වසර තුළ මෙරට ලක්‍ෂ පහකට අධික පිරිසක්‌ රජයේ සහ පෞද්ගලික රෝහල්වලින් රුධිර පරීක්‍ෂාව සිදු කර ඇත.
රජයේ රෝහල්වල ක්‍රියාත්මක කරන සායනවලින් ලක්‍ෂ තුනක්‌ පමණ ද පෞද්ගලික රෝහල්වලින් ලක්‍ෂ දෙකක්‌ පමණ ද මෙලෙස රුධිර පරීක්‍ෂාව සිදු කර ඇති බව ජාතික ලිංගාශ්‍රිත රෝග /ඒඩ්ස්‌ මර්දන වැඩසටහනෙහි අධ්‍යක්‍ෂ වෛද්‍ය සිසිර ලියනගේ මහතා පැවැසීය. අවදානම් සහගත ලිංගික හැසිරීමක නිරත වී ඇත්නම් එච් අයි වී පරීක්ෂණයක් සිදු කර ගන්නා ලෙස මහජනතාවගෙන් කරන ලද ඉල්ලීමට අනුව එම පරීක්‍ෂණයට පෙනී සිටි සංඛ්‍යාවද වැඩි වී ඇතැයි හෙතෙම අවධාරණය කළේය.