World

කොරෝනා නිසා ඉතාලියේ වෛද්‍යවරුන් 80ක් හෙද හෙදියන් 25ක් මියගිහින්

ඉතාලියේ කෝවිඩ් 19 වසංගතය පැතිරිම ආරම්භ වු  පෙබරවාරි මස 23 දා සිට ඊයේ 04 දිනය දක්වා දින 41 ක කාලය තුල කෝවිඩ් 19 රෝගය ආසාදනය වි වෛද්‍යවරුන් 80 දෙනෙක් හා හෙද හෙදියන් 25 දෙනෙක් මියගොස් ඇති බව ඉතාලි වෛද්‍ය සංගමය පවසයි.

එමෙන්ම හෙද හා වෛද්‍ය කාර්ය මණ්ඩල සමාජිකයන් 5500ට අධික සංඛ්‍යාවක් රෝගය වැළඳි ප‍්‍රතිකාර ගනිමින් සිටින බව එම සංගමය පවසයි.

මෙම හෙද හා වෛද්‍ය කාර්ය මණ්ඩලයට අමතරව රෝහල් සේවා වලට සම්බන්ධ  සේවක සේවිකාවන් තවත් 5000 ට අධික සංඛ්‍යාවක් කෝවිඩ් 19 වසංගතයට ගොදුරු වි ප‍්‍රතිකාර ගන්නා බව ඉතාලි සිවිල් ආරක්ෂණ ඒකකය පැවසීය.         

මෙම තත්ත්වය යටතේ රෝහල් වල සේවා පවත්වාගෙන යාමට විශ‍්‍රාමික හා පෞද්ගලික වෛද්‍ය හ හෙද නිලධාරින් සේවයට කැඳවා රෝහල් සේවා යථා තත්ත්වයට පත් කරමින් තිබෙන බව සිවිල් ආරක්ෂණ ඒකකයේ ප‍්‍රධානි ආන්ජලෝ බොරෙල්ලි මහතා පැවසිය.

කොවිඩ් 19 රෝගයට ගොදුරු වු හා මියගිය  බහුතරයක් ලොම්බර්දියා පළාතෙන් වාර්තා වි තිබේ.

මෙම දුෂ්කර තත්ත්වය යටතේත් කිසිදු රෝගියෙකුව අත් නොහැර උපරිම ආකාරයෙන් ප‍්‍රතිකාර ලබාදීමට රෝහල් බලධාරින් පියවර ගනිමින් සිටින බවද ආන්ජලෝ බොරෙල්ලි මහතා වැඩිදුරටත් පවසා සිටියේය. 

චන්දන ප්‍රනාන්දු – ඉතාලියේ බ්‍රේෂියා නගරයේ සිට

Related posts

ලොව පළමු වරට අභ්‍යවකාශ යානයක් සූර්යයාගේ වායු කලාපයට ඇතුළු වෙයි (වීඩියෝ)

colombotoday

මියන්මාර් හමුදා පාලනය ෆේස්බුක් ඇතුළු අන්තර්ජාල සේවා බ්ලොක් කරයි.

colombotoday

රිය අනතුරකින් වෛද්‍ය සිසුන් 7ක් මරුට… මන්ත්‍රීවරයෙකුගේ පුතෙකුත් ඒ අතර (වීඩියෝ)

colombotoday

අමෙරිකාවේ දෛනික වැඩිම කොරෝනා ආසාදිතයින් සංඛ්‍යාව වාර්තා වෙයි

colombotoday

ISIS පුහුණුව ලබා දී ඉන්දීය තරුණයන් සිරියාවට යැවූ පුහුණුකරු අත්අඩංගුවට

colombotoday

දලදඬු ෂරියා නීතිය ඇෆ්ගන් කාන්තාවන්ට විශ්ව විද්‍යාල තහනම් කරයි

Admin