Colombo Today Local News

කොටින්ට සහය දුන් වයිකෝට චෙන්නායි අධිකරණයෙන් වසරක සිරදඬුවමක්

ඉන්දීය ස්වෛරීභාවයට තර්ජනය වන ආකාරයෙන් කොටි සංවිධානයට සහාය පළකරමින් ප්‍රකාශයක් සිදුකිරීම මත තමිල්නාඩුවේ කොටි හිතවාදී දේශපාලකයකු වන වයිකෝ හට චෙන්නායි අධිකරණයෙන් වසරක සිරදඬුවමක් නියම කර තිබේ.

එම්.ඩී.එම්.කේ පක්ෂයේ නායක වයි ගෝපාල සාමි හෙවත් වයිකෝ 2009 වසරේ චෙන්නායි හි පැවති ග්‍රන්ථයක් එළිදැක්වීමේ  උත්සවයකදී කොටි සංවිධානයට පක්ෂව සහ ඉන්දීය ස්වෛරීභාවයට තර්ජනය වන ආකාරයෙන් කරන ලද ප්‍රකාශයකට එරෙහිව තමිල්නාඩු රජය විසින් මෙම නඩුව පවරා තිබිණි.

දේශද්‍රෝහී චෝදනාව මත  චෙන්නායි අධිකරණයේ ගොනුකළ මෙම නඩුව තමිල්නාඩුවේ මැති ඇමැතිවරුන්ට එරෙහිව නඩු විභාග කරන විශේෂ අධිකරණයක් හමුවේ විභාගයට ගෙන ඇති අතර එම නඩුවේ තීන්දුව විනිසුරු ජේ.ශාන්ති මහත්මිය විසින් අද ප්‍රකාශයට පත්කර ඇත.

දේශද්‍රෝහී චෝදනාවන්ට වරදකරු බවට අධිකරණය විසින් තීන්දු කිරීමෙන් පසුව තමාට දෙන දඬුවම ද අද දිනයේම ප්‍රකාශයට පත්කරන ලෙසට වයිකෝ සිය නීතිඥයින් මාර්ගයෙන් ඉල්ලා ඇති අතර ඔහුට එක් වසරක සිරදඬුවමක් සහ 10,000/- දඩයක් අධිකරණය විසින් නියම කර ඇත්තේ ඉන් පසුවය.

 එම තීන්දුවට  එරෙහිව අභියාචනයක් ඉදිරිපත් කරන බවට හා ඒ තාක් තීන්දුව අත්හිටුවන ලෙසට වයිකෝ වෙනුවෙන් පෙනී සිටි නීතිඥයන් අධිකරණයට කරුණු දක්වා ඇති අතර ඒ සඳහා වයිකෝ හට මසක කාලයක් අධිකරණය විසින් ලබා දී තිබේ.

Related posts

මාලිමාව කියා ව්‍යාපාරිකයන්ගෙන් කප්පම් ගන්නා කල්ලියක්

Admin

සජිත්ට අලියා දෙන්න රනිල් බෑ කියයි… එජාපය සජිත්ගේ සන්ධානය වර්ජනය කරයි !

colombotoday

සිරිලිය සවියේ ඩිෆොන්ඩරය තාජුඩීන් ඝාතන නඩුවේ නඩු භාණ්ඩයක් කරයි…

colombotoday

අගමැති ඉවත්කළ හැකිද? ශ්‍රේෂ්ඨාධිකරණයේ මතය විමසන්න යයි

colombotoday

නවතා තිබූ බසය හොරාගෙන 15 හැවිරිදි පෙම්වතා පෙම්වතිය බලන්න ගිහින්

colombotoday

සාම්පූර් නාවික හමුදාව සතුව තිබූ තවත් අක්කර 177ක් අද මුදාහැරේ

colombotoday