ව්‍යාජ මුදල් නෝට්ටු 57ක් ළඟ තබාගෙන සිටි කාන්තාවක් ඇතුළු පුද්ගලයින් දෙදෙනෙකු කුරුවිට දොඩම්පේ ප්‍රදේශයේ දී අත්අඩංගුවට ගෙන තිබේ.
කුරුවිට පොලීසියට ලද තොරතුරක් මත සිදුකළ වැටලීමකදී ඔවුන් අත්අඩංගුවට ගෙන ඇති බව පොලිස් මූලස්ථානය සඳහන් කරයි.
එහිදී සැකකරුවන් සතුව තිබී ව්‍යාජ රුපියල් පන්දහසේ නෝට්ටු 21ක්, පන්සීයේ නෝට්ටු 34ක් සහ දහයේ නෝට්ටු 02ක් සොයාගෙන තිබේ.
ඊට අමතරව පරිඝණකයක්, මුද්‍රණ උපකරණ කිහිපයක් සහ මෝටර් රථයක් ද සිය භාරයට ගත් බව පොලීසිය සඳහන් කළේය.
අත්අඩංගුවට ගත් සැකකරුවන් රත්නපුර මහේස්ත්‍රාත් අධිකරණය වෙත ඉදිරිපත් කිරීමට නියමිත අතර කුරුවිට පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.