යාහු(Yahoo) සමාගම Altaba ලෙස තම ආයතන නාමය වෙනස් කිරීමට සැරසෙන බව විදෙස් ආරංචිමාර්ග සඳහන් කරයි.
මෙසේ නම වෙනස් කෙරෙන්නේ වෙරයිසන්(Verizon) නම් ආයතනය සමග සිදුකිරීමට නියමිත ඩොලර් බිලියන 4.8 ක ගනුදෙනුව සාර්ථක වුවහොත් පමණි.
ගනුදෙනුව නිසිආකාරව සිදුවුවහොත් යාහු ආයතනය සතු සියලු විද්‍යුත් ලිපින, වෙබ් අඩවි, ජංගම දුරකථන මෘදුකාංග(mobile apps) සහ වෙළඳ දැන්වීම් මෙවලම්(advertising tools) වෙරයිසන් ආයතනය සතු වනු ඇත.
එමෙන්ම යාහු ආයතනයේ වත්මන් කාර්යමණ්ඩලයෙන් අර්ධයක කොටසක් තම රැකියා වලින් සමුගැනීමටද නියමිතයි.
නමුත් පසුගිය දිනවල අනාවරණය වූ යාහු පද්ධතියට හැකර් ප්‍රහාරයක් එල්ලවීමේ සිද්ධිය නිසා ගනුදෙනුව සිදුකිරීම වෙරයිසන් ආයතනය විසින් කල්දමා තිබේ.