ජේෂ්ඨත්වය මත විනිසුරුවන් පත්කිරීමට ව්‍යවස්ථාදායක සභාව සුදානම් නොමැති බව පවසමින් කතානායක කරූ ජයසූරිය ජනාධිපතිවරයාට ලිපියක් යවා ඇති බවත් එක්තරා ආගමික කල්ලියක තිත්පොලක් බවට ශ්‍රේෂ්ඨාධිකරණය දැන් පත්වී ඇති බව පාර්ලිමේන්තු මන්ත්‍රී විමල්වීරවංශ මහතා පසුගිය 10 වැනිදා පාර්ලිමේන්තුවේදී පැවසීය.
ජේෂ්ඨත්වය මත ජනාධිපතිවරයා නමක් යැවු විට ඒ නම ව්‍යවස්ථාදායක සභාව ආපසු හරවා යවන බව පැවසූ මන්ත්‍රීවරයා ඒ ආගමික කල්ලියට අයත් කෙනෙකුගේ නමක් අවොත් පමණක් “ව්‍යවස්ථාදායක සභාව” එම නම අනුමත කර යවන බවට චෝදනා කර සිටියා.
“දැන් ශේෂ්ඨාධිකරණයට යන්නනම් තිබෙන්නේ තමන්ගේ ආගම වෙනස් කර…. ඒ ආගමික කල්ලියේ බෞතිස්ම වුවහොත් අන්න හම්බ වෙනවා ශ්‍රේෂ්ඨාධිකරණ තනතුර. මේ රටේ ක්‍රිකට් ක්‍රීඩාවටත් අද වෙලා තිබෙන්නේ ඒ තත්වයයි. එක්තරා නියාය පත්‍රයකට ක්‍රියා කරන, ඇමරිකාවේ ආදාර ලබන එක්තරා ආගමික නිකායක උවනවටනම් මේ රටේ විනශ්චයකාර පද්දතීන් තීරණය වන්නේ එතනට මේ රටේ අධිකරණ පද්දතිය වැටීම අපි අනුමත කරන්නේ නෑ ” යැයි වැඩිදුරටත් අදහස් දක්වමින් විමල් විරවංශ මන්ත්‍රීවරයා පැවසීය.
මෙහිදී අමාත්‍ය තලතා අතුකෝරාල එම ආගමික කල්ලියේ සහ එලෙස පත්කරන ලද විනිසුරුවන්ගේ නම් හෙළිකරන ලෙස මන්ත්‍රීවරයාට අභියෝග කර සිටි අතර ව්‍යවස්ථාදායක සභාවේ ක්‍රියාකාරිත්වය පිලිබදව දින දෙකක විවාදයක් තමන් ඉල්ලා සිටි බවත් එම විවාද අවස්ථාවේදී නම් ගම් සහිතව සියල්ල තමන් හෙළි කරන බවත් මන්ත්‍රීවරයා සඳහන් කරන ලදි.