“සෞභාග්‍යයේ දැක්ම” ජනාධිපතිවරයාගේ ප්‍රතිපත්ති ප්‍රකාශනය රටට ඉදිරිපත් කිරීමෙන් පසුව රට විශාල වශයෙන් සංවර්ධනය වී ඇති බවට පසුගිය දා ශ්‍රී ලංකා පොදු ජන පෙරමුණ විසින් අනුරාධපුර සල්ගාදු පිටියේදී පවත් වන්නට යෙදුන ජන රැලියේදී පෙන්වීමට ආණ්ඩුවේ නායකයන් උත්සහ කලද ඒ මගින් නැවත නැවතත් සනාත වුයේ ඔවුන්ගේ නොකියාව හා අසාර්ථකත්වය බව එක්සත් ජාතික නිදහස් පෙරමුණ මාධ්‍ය නිවේදනයක් නිකුත් කරමින් කියාසිටී.
එම මාධ්‍ය නිවේදනය මෙසේය
වර්තමාන ආණ්ඩු අද වන විට ඇද වැටි ඇති ඉරණම මැනවින් පෙන්නුම් කරන කැඩපතක් ලෙස පසුගියදා අනුරාධපුර සල්ගාදු ක්‍රීඩාපිටියේ පැවති පොදුජන පෙරමුණේ ජනතා රැලිය පෙන්නා දීමට හැකිය.එහිදී ආණ්ඩුවේ නායකයන් විශාල ගොෂාවක් කරමින් පෙන්වීමට උත්සහ කරන ලද්දේ තමන් මෙතෙක් ගෙනගිය වැඩපිළිවෙල ඉතා සාර්ථක එකක් බවයි.ඒ නායකයන්ගේ කතා කිසිවක රටේ ආර්ථිකයට සිදුවී ඇති තත්වය පිලිබදව පසුවිපරමක් නොතිබූ අතර ආණ්ඩු බලය ගැනීමට පෙර තමන් වේදිකාවේ සිදුකරන ලද පුරසාරම් කතා ඒ ආකාරයෙන්ම නැවත ජනතාව ඉදිරියේ වමාරමින් සිටිනු දක්නට ලැබුණි.ජනාධිපතිවරයා රටේ සියළු දෙනා තුල හාස්‍යට ලක්වෙමින් පොහොර ඇතුව හෝ නැතුව ගොවියන්ගේ ආදායම සියයට සියයකින් ඉහල දමන බව කීමෙන් පෙන්නුම් කරන ලද්දේ වර්තමාන ආණ්ඩුවට නිසි වැඩපිළිවෙලක් හෝ ක්‍රියාත්මක සාර්ථක දැක්මක් නොමැතිකමයි.මැතිවරණයට පෙර ගොවියන්ට පොහොර නොමිලේ දෙන බව කි ජනාධිපතිවරයාම නැවත අනුරාධපුරයට ගොස් මෙවැනි කතාවක් කීමෙන් ඒ බව සනාත වේ.පසුගිය මැතිවරණයේදී තලු මරමින් වේදිකා දෙවනත් කරමින් කි ජාතික ආරක්ෂාව දෙස් විදෙස් කුමන්ත්‍රණ කතා නැවත නැවත වේදිකාවේ රැව් දෙන්න පටන් අරන් තිබීමෙන් පෙන්නුම් කරන්නේ නැවතත් මේ නායකයන් රටේ ඇත්ත ප්‍රශ්න යට ගසා ජනයා බිය වද්දමින් බලය පවත්වාගෙන යාමට දරන අසාර්ථක උත්සහයයි.
වේදිකාවේ දුෂණය භිෂණය,වංචාව සම්බන්දයෙන් විශාල හඩක් නැගුවද පසුගිය කෙටිකාලය තුල සිදුවූ සුදුළුනු වංචාව,සීනි වංචාව,ගෑස් පුපුරා යාම පාස්කු වින්දිතයන්ට සාධාරණය ඉටු කිරීම සම්බන්දයෙන් වචනයක් හෝ මේ ආණ්ඩුවේ නායකයන් කතා නොකළේය.හොරකමට මැර කමට සම්බන්ද පුද්ගලයන් සම්බන්දයෙන් ගත ක්‍රියා මාර්ග සම්බන්දයෙන් වචනයක් කතා නොකළේය.පොහොර වංචාව සම්බන්දයෙන් ආණ්ඩුව ගත් ක්‍රියාමාර්ග කුමක්ද යන්න එහිදී අවධානයට ලක් වුයේ නැත.මේ අනුව අපට පෙනෙන්නට තිබෙන්නේ ආණ්ඩුවේ නායකයන් තවත් වටයකින් ජනයා මුලා කරමින් මැතිවරණයකට යාමට ආණ්ඩුව සැරසෙන බවයි.
අප එක්සත් ජාතික නිදහස් පෙරමුණ ලෙස අවධාරණය කරන්නේ ආණ්ඩුව සුපුරුදු තක්කඩි දේශපාලන ගමන යාමට උත්සහ කලද එය සල්ගාදු පිටියේදී ලැප් තැනම ලොප් වී ගිය බවයි.එහි විශේෂම සිද්ධිය නම් පෙර මෙන් ආණ්ඩුව සමග විද්වත් පිරිසත් රටේ ප්‍රසිද්ධ භික්ෂුන් වහන්සේලා පිරිසත් අදවන විට නොමැති බවයි.මැති ඇමතිවරු බස් යොදාගෙන සල්ගාදු පිටියට දිවයිනේ දසතින් ගෙනා ඔළුගෙඩි පෙන්නා තව දුරටත් රට නොමග හැරීමට සිතන්නේ නම් එය ආණ්ඩුවේ අවසානය බව අපි අවධාරණය කරන්නෙමු.අපි නැවත අභියෝග කරමින් කියා සිටින්නේ හැකිනම් ප්‍රාදේශීය සභා මැතිවරණය පවත්වා ආණ්ඩුව ජයගෙන් පෙන්වන ලෙසයි.අවසාන වශයෙන් කිව යුත්තේ ආණ්ඩුව හා ජනාධිපතිවරයා සලගාදු පිටියේදී හිට් විකට් වූ බවයි.
කිර්ති දුනුවිල
මාධ්‍ය හා ප්‍රචාරක ලේකම්
එක්සත් ජාතික නිදහස් පෙරමුණ