පසුගිය යුද සමයේ ශ්‍රී ලංකාවේ සිදුව ඇතැයි කියන යුද අපරාධ හා මානව හිමිකම් කඩවීම් උල්ලංඝනය කිරීම් සම්බන්ධයෙන් විමර්ශනය කිරීම සදහා එක්සත් ජාතීන්ගේ මානව හිමිකම් කවුන්සිලයේ නියෝජිත පිරිසක් හෙට (15) ශ්‍රී ලංකාවට පැමිණීමට නියමිතය.
‘ඉන්දියන් ඕපන් නේෂන්‘ නමැති සංවිධානයකින් කරන ලද සමීක්ෂණයකින් හෙළි වී ඇති තොරතුරු පදනම් කරගෙන මෙම විමර්ශනය සිදුවන බව එක්සත් ජාතීන්ගේ මානව හිමිකම් කවුන්සිලයේ මාධ්‍ය ප්‍රකාශක ස්ටෙෆාන් ඩුජාරික් ප්‍රකාශ කර ඇත.
අදාළ සංවිධානය චෝදනා කරන්නේ යුද සමයේදී සුළුතර දෙමළ ජනතාවට විවිධ ලිංගික තාඩන පීඩන, වදහිංසාවලට ලක්වී ඇති බවයි. යුද්ධය අවසන් වී වසර දහයක් ගතවුවද දෙමළ ජනතාවට තවමත් නිදහස හිමිවී නොමැති බවද සමීක්ෂණ වාර්තාව මගින් ඔවුන් ප්‍රකාශ කර ඇත.