ලෝක මානව හිමිකම් දිනය දෙසැම්බර් 10 (ඊයේ) දිනට යෙදී තිබුණි. නුගේගොඩ කට්ටිය හංදියේදී සිවිල් ඇදුමින් සැරසී සිටි බොරලැස්ගමුව Traffic OIC විසින් ත්‍රීරෝද රථයක් පැදවූ තරුණයෙකු නවතා ඔහුගේ රියදුරු බලපත්‍රය ගෙන බොරලැස්ගමුව පොලීසියට පැමිණෙන ලෙස දන්වා ඇත.
එම තරුණයා බොරලැස්ගමුව පොලීසිය ගොස් ඇති අවස්ථාවේ බොරලැස්ගමුව පොලීසියේ රථවාහන අංශයේ ස්ථානාධිපතිවරයා තමා මිරිහාන ප්‍රදේශයේ සිට පැමිණෙන අවස්ථාවේදී කට්ටිය හංදියේදී පාරේ ගලියක පියන පහත්වී ඇති බවත් එතනදී අදාල තිරෝද රථය තමන් දෙසට කැපූ බවත් “මම උඹව උස්සලා පොළොවේ ගහනවා දැනගනින් ප…යා” ලෙස බැණ තර්ජනය කර ඇති අතර ඒ සදහා ලබන අගහරුවාදා දිනය යොදා උසාවියට පැමිණීමට දැන්වීමක් කරන ලෙස කොස්තාපල්වරයෙකුට කියා ඇත.
ඒ අනුව අදාල කොස්තාපල්වරයා එම තරුණයාට 2022/01/04 දින අධිකරණයේ පෙනීසිටින ලෙස දන්වා දැක්වීමක් ලබා දී ඇත.
රංජිත් විතානගේ