Colombo Today Local News

ගුරුකන්ද නාහිමි ආදාහනය කිරීම: ඥානසාර හිමිට එරෙහි නඩුවෙන් පොලිස් නිලධාරීන්ගේ නම් ඉවත් කරයි. අභියාචනාධිකරණ සභාපති විනිසුරු නවාස් නඩුවෙන් ඉවත් වෙයි

මුලතිව්, නයාරු, ගුරුකන්ද රජමහා විහාරාධිපති හිමියන්ගේ දේහය විහාර භුමියේ ආදාහනය කිරීම හේතුවෙන් පුජ්‍ය ගලගොඩඅත්තේ ඥානසාර හිමිට සහ මුලතිව් ජේෂ්ඨ පොලිස් අධිකාරිවරයා, පොලිස් ස්ථානාධිපතිවරයා ඇතුළු තිදෙනා අධිකරණයට අපහාස කල බවට චෝදනා කරමින් ද්‍රවිඩ සන්ධානය විසින් ගොනු කල නඩුව අද(16) අභියාචනාධිකරණයේදී නැවත කැඳවනු ලැබීය.

මෙහිදී නඩුවේ චූදිත පාර්ශවය ලෙස නම්කර තිබූ පොලිස් නිලධාරීන් මෙම නඩුවෙන් ඉවත් කිරීමට දෙමල ජාතික සන්ධානයේ පාර්ලිමේන්තු මන්ත්‍රී ජනාධිපති නීතිඥ එම්.කේ සුමන්තිරන් එකඟතාවය පළකර සිටි අතර පුජ්‍ය ගලගොඩඅත්තේ ඥානසාර හිමිට එරෙහිව නඩුව දිගටම රැගෙන යන බව ඔහු අභියාචනාධිකරණයට දැන්වීය.

එම පැමිණිල්ල අද අභියාචනාධිකරණයේ සභාපති විනිසුරු ඒ. එච්. එම්. ඩී. නවාස් සහ සෝභිත රාජකරුණා යන මහත්වරුන් ඉදිරියේ කැඳවනු ලැබීය.

එහිදී සභාපති විනිසුරු නවාස් මහතා විවෘත අධිකරණය ප්‍රකාශ කළේ පෞද්ගලික හේතුවක් මත තමන් මෙම නඩු විභාගයෙන් ඉවත් වන බවය.

ඒ අනුව අදාළ පැමිණිල්ල විභාග කිරීම සඳහා මහින්ද සමයවර්ධන සහ අර්ජුන ඔබේසේකර යන මහත්වරුන්ගෙන් සමන්විත විනිසුරු මඩුල්ල නම් කරන බවයි අභියාචනාධිකරණ සභාපති විනිසුරුවරයා ප්‍රකාශ කළේය.

එම නව විනිසුරු මඩුල්ල ඉදිරියේ පැමිණිල්ල නැවත ඔක්තෝම්බර් මස 20 වනදා කැඳවීමට ද දින නියම වුණි.

පුජ්‍ය ගලගොඩඅත්තේ ඥානසාර හිමි වෙනුවෙන් හිටපු ආණ්ඩුකාර ජනාධිපති නීතිඥ මෛත්‍රී ගුණරත්න මහතා සමග නීතිඥ අශාන් නානායක්කාර සහ නීතිඥ ඉරේෂ් සෙනවිරත්න යන මහත්වරු පෙනී සිටින ලදි.

Related posts

“රාජපක්‍ෂ දළදා මාළිගාව බෝම්බ ගහනවා කීවා.. මල්වතු පාර්ශවය දෙකඩ කරන්න හැදුවා“ – අගමැති

colombotoday

එජාප ඇමතිලා 20කගේ “TOP 20“ දූෂණ වංචා ලිපිගොණු ජනපති කොමිසමට…

colombotoday

සිව්වනි වරටත් පොලිස්පතිට සේවා දිගුවක්

Admin

විදුලිය,ඛණිජ තෙල් සහ සෞඛ්‍ය සේවා අත්‍යවශ්‍ය සේවා කරමින් ගැසට් නිවේදනයක්

Admin

වෘක්ෂලතා පනත කැඩීයැයි චෝදනා.. අලි පැටියා ළග තබාගත්තාට උඩුවේ හිමිට නීතිපති නඩු දමයි

colombotoday

රන්දෙණිගල රක්ෂිතයේ ගින්නක් – ගින්න නිවීමට ගුවන් හමුදා සහය

colombotoday