මෙරට සිදු වූ බව කියන යුධ අපරාධ පිළිබද සිදුකිරිමට නියමිත අන්තරජාතික විමර්ශනය ඇතුළු කරුණු සම්බන්ධයෙන් දෙමළ රාජ්‍ය පක්ෂයේ ක්‍රියාකලාපය කෙරෙහි කලකිරුණු පිරිසක් නව සන්ධායනක් බිහි කිරීමට සූදානම් වන බව වාර්තා වනවා. උතුරු පළාත් ප්‍රධාන අමාත්‍ය සී.වී. විග්නේශ්වරන් මහතාගේ නායකත්වයෙන් මෙම සන්ධානය පිහිටුවීමට සූදානම් වන බවයි පැවසෙන්නේ.
සුරේෂ් ප්‍රේමචන්ද්‍රන්, ගජේන්ද්‍ර කුමාර් පොන්නම්බලම්, ආනන්දි ශශිධරන්, එම්. ශිවාජිලිංගම්, යාපනය විශ්වවිද්‍යාලයේ මහාචාර්ය සිට්ට්‍රම්බල් යන පිරිස ඒ අතර වන බවටයි තොරතුරු වාර්තා වන්නේ. එම නව සන්ධානය පිහිටුවීම සම්බන්ධයෙන් පසුගිය සතියේ ජිනීවා හිදී දෙමළ සම්බන්ධීකරණ කමිටුවේ නියෝජිතයන් පිරිසක් සුරේෂ් ප්‍රේමචන්ද්‍රන් සහ ගජේන්ද්‍ර කුමාර් පොල්නම්බලම් යන අය සමග සාකච්ඡා පවත්වා තිබෙන බව පැවසෙනවා.