කොරෝනා වෛරසය ආසාදනයෙන් මිය යන පුද්ගලයන් භූමදානයට ඉඩ නොදීම පිළිබඳව අධිකරණ ඇමති මොහොමඩ් අලි සබ්‍රි යලිත් Facebook සටහනක් යොදා තිබෙනවා.
ඒ මහතා පෙන්වා දෙන්නේ භූගත ජල මට්ටම ඉහළ රටවලද ඇතුළුව ලොව රටවල් 194ක් කොරෝනා දේහයන් භූමදානය ඉඩ දී ඇති බවයි.
ලෝක සෞඛ්‍ය සංවිධානයත්, ජාත්‍යන්තර රතුකුරුස සංවිධානය එය පිළිගෙන ඇති බවද ඔහු පෙන්වා දෙනවා.
එක්සත් ජාතීන්ගේ සංවිධානය එය සලකා බලන ලෙසද ඉල්ලීමක් කර ඇති බවත් මෙරට මානව හිමිකම් කොමිසමද එම ඉල්ලීම පිළිගෙන ඇතැයි ද ඔහුගේ සටහනේ දැක්වෙනවා.
කෙසේ වෙතත් ශ්‍රී ලාංකීය ජල භූ විද්‍යාඥයින් සහ භූ විද්‍යා මහාචාර්යවරු කොරෝනා මරණ කිසිසේත් භූමිදානය නොකළ යුතු බවට පවසනවා.
