රාජිත සේනාරත්න ඇමැතිවරයා පුද්ගලිකව හමුවීමට තරම් දත් දිරායැමේ රෝගයකින් පෙළෙන කිසිදු කෙනෙකු ඒකාබද්ධ විපක්ෂයේ මන්ත්‍රීවරුන් 54 දෙනා අතර නැතැයි පාර්ලිමේන්තු මන්ත්‍රී ඩලස්‌ අලහප්පෙරුම මහතා සඳහන් කළේය.
විශ්වාසභංග යෝජනාව පිළිබඳව සාකච්ඡා කිරීමට පොහොට්‌ටුවේ නායකයන් තනි තනිවම හමුවන්නැයි ප්‍රකාශ කළ බවට රාජිත සේනාරත්න ඇමැතිවරයා කළ ප්‍රකාශයට පිළිතුරු ලෙස මන්ත්‍රීවරයා එසේ පැවසීය.
රාජිත සේනාරත්න ඇමැතිවරයාට ඒ සම්බන්ධව ඊට වඩා පිළිතුරක්‌ දීම අවශ්‍ය නොවන බවත් එය හොඳටම ප්‍රමාණවත් බවත් ඩලස්‌ අලහප්පෙරුම මහතා පැවසීය.