මොනම හේතුවක් නිසාවත් සමෘද්ධි බැංකුව මහ බැංකුවට පවරා ගැනීමට තමා ඉඩ නොදෙන බව සමාජ සවිබල ගැන්වීම් ඇමැති පී. හැරිසන් මහතා පැවැසීය.
සමෘද්ධි බැංකුව මහ බැංකුව යටත පවරා ගැනීමට කිසිදු අවශ්‍යතාවක් නැති බවත් ඒ පිළිබඳ කිසිවකු සැකයක් හෝ බියක් තබා ගැනීමට අවශ්‍ය නැති බවත් ඇමැතිවරයා පැවැසුවේය.
සමෘද්ධි බැංකුවල කටයුතු විශ්ලේෂණය සඳහා මහ බැංකු නිලධාරියකු සහ භාණ්ඩාගාර නිලධාරියකු පැමිණීමට නියමිත බවද ඔවුන් ඉදිරියේදී මේ පිළිබඳ වාර්තාවක් සැකසීමට නියමිත බවද ඔහු පැවැසුවේය.
සමෘද්ධි බැංකුව මහබැංකුව යටතට පවරා ගන්නැයි තමන් මුදල් අමාත්‍යවරයාට නියෝග කළ බව අගමැති රනිල් වික්‍රමසිංහ මහතා එජාප මැයිදින රැලිය අමතමින් ප්‍රකාශ කර තිබිණි.