රිෂාඩ් බදුර්දීන් අමාත්‍යවරයා විල්පත්තු වනාන්තරය විනාශ කිරීම සම්බන්ධයෙන් රජයේ විගනකාදිපති පාර්ලිමේන්තුවට වාර්තාවක් ලබා දුන් බවත් එයින් විල්පත්තු රක්ෂිත වනාන්තරය රිෂාඩ් බදුර්දීන් සහ ඔහුගේ ඥාතින් සිදුකල බරපතල විනාශය පැහැදිලිව හඳුනාගෙන ඇති බව නීතිඥ නාගානන්ද කොඩිතුවක්කු පවසනවා.
මෙය ජාතිවාදී ප්‍රශ්නයක් නොවන බවත් මෙය ජාතික අපරාධයක් බවත් පෙන්වා දුන් නාගනන්ද කොඩිතුවක්කු මහතා රිෂාඩ් බදුර්දීන් ඇතුළු සහචරයින් දැව ඝන මීටර දහස් ගණනක් සොරකම් කරන බවත් Colombo Today 2020 වැඩසටහන සමග එක් වෙමින් ප්‍රකාශ කර සිටියා. ඔවුන් 1990 වනවිටත් ප්‍රදේශයේ පදිංචිව සිටි බවට පට්ටපල් බොරු කියන බවත් 1984 සිට එම ප්‍රදේශයේ තිබුන ඝන කැලෑව ගහක් ගහක් ගානේ අවශ්‍යයනම් බලාගැනීමට සැටලයිට් මගින් ලබාගත් චායරුපවලින් හැකියාව ලැබෙන බවත් ඒ මහතා ප්‍රකාශ කර සිටියා.
රිෂාඩ් බදුර්දීන් අමාත්‍යවරයා අධිකරණයට අපහාස කරමින් සාවද්‍ය දිවුරුම් ප්‍රකාශ ඉදිරිපත් කරීමට කටයුතු කලත් ඒවා ප්‍රතික්‍ෂේප කරමින් විල්පත්තු සංහාරයට විරුද්ධව ගොනු කර ඇති නඩුව විභාගයට අවසර ලබා දුන් බවත් නාගනන්ද මහතා වැඩිදුරටත් ප්‍රකාශ කරන ලදි.