Colombo Today Local News

රවි කරුණානායකට කැබිනට් අමාත්‍ය ධුරයක් නොදී සිටීමට හේතුවක් නෑ – නීතිපති දෙපාර්තමේන්තුව දන්වයි

හිටපු මුදල් අමාත්‍ය රවි කරුණානායකට සහ සහ එක්සත් ජාතික පක්ෂයේ මන්ත්‍රීවරුන් හය දෙනෙකුට අමාත්‍ය ධුර සහ නියෝජ්‍ය අමාත්‍යධුර ලබා දීමේ සුදානමක් ඇති බව දේශපාලන ආරංචි මාර්ග සඳහන් කරනවා. ඒ අනුව රවි කරුණානායක හිටපු මුදල් අමාත්‍යවරයාට යළි කැබිනට් ඇමතිකමක් සමඟ එජාපයේ තවත් මන්ත්‍රීවරුන් හය දෙනෙකුට නියෝජ්‍ය අමාත්‍යධුර ලැබෙනු ඇති බවයි එම ආරංචි මාර්ග සඳහන් කරන්නේ.

කෙසේ වෙතත් මේ වන විට විදෙස් සංචාරයක නිරත වී සිටික අග්‍රාමාත්‍ය රනිල් වික්‍රමසිංහ මහත‍ා නැවත ලංකාවට පැමිණි පසු මෙම පත්කිරීම් සිදුවිය හැකි බවයි සඳහන් වන්නේ. එසේම මෙම කාරණය සම්බන්ධයෙන් අග්‍රාමාත්‍ය රනිල් වික්‍රමසිංහ කළ දැනුම් දීමට ජනාධිපති මෛත්‍රීපාල සිරිසේන මහතාද එකඟතාවය පළ කර ඇති බව එම ආරංචිමාර්ග වල වැඩිදුරටත් දැක්වෙනවා.

ප්‍රශ්නගත මහ බැංකු බැඳුම්කර සිද්ධිය සම්බන්ධයෙන් පත් කළ ජනාධිපති කොමිසමේදී කළ ප්‍රකාශයක් හේතුවෙන් රවි කරුණානායක සිය අමාත්‍යධුරයෙන් ඉවත් වුනු අතර අග්‍රාමාත්‍යවරයා නීතිපති දෙපාර්තමේන්තුවට දැනුම් දී තිබුනේ රවී කරුණානායකට එරෙහිව චෝදනා තිබේ නම් මාස දෙකක් තුළ එය ගොනු කරන ලෙසයි. නමුත් එම කාලය මේ මස 15 දා අවසන් වනවා.

මේ හේතුවෙන් රවි කරුණානායකට පිළිගත හැකි කැබිනට් අමාත්‍ය ධුරයක් නොදී සිටීමට තරම් කරුණක් නොමැති බව නීතිපති දෙපාර්තමේන්තුව ප්‍රකාශ කර ඇති බවද සඳහන්.

Related posts

ත්‍රස්ත ප්‍රහාරය එල්ල වෙද්දී ශ්‍රී ලංකා ක්‍රිකට් කණ්ඩායමත් ලන්ඩනයේ !

colombotoday

සිංහරාජය ගැන මානව හිමිකම් කොමිසමටත් පැමිණිලි

colombotoday

අර්ජුන මහේන්ද්‍රන් ගැන නීතිපති තෙවැනි වරටත් සිංගප්පුරුවට කළ දැනුම්දීම

colombotoday

අජිත් පී. පෙරේරා සහ සරත් ෆොන්සේකා එජාප කෘත්‍යාධිකාරී මණ්ඩලයෙන් ඉවතට

colombotoday

7 වැනිදා අර්බුදය නොවිසදුනොත් එක්සත් ජාතීන්ගේ මැදිහත්වීමක්… මහ ලේකම් ලංකාවට…

colombotoday

“වරායේ වැඩ ලබන මාසේ පටන් ගන්නවා…. හම්බන්තොට ඉඩම් චීනයට දෙනවා” – අගමැති

colombotoday