Colombo Today Local News

ඉන්දීය අත්අඩංගුවට පත් ශ්‍රී ලාංකික ධීවර යාත්‍රාවේ තිබූ හෙරොයින් සහ ආයුධ ගැන තොරතුරු හෙළිවෙයි.

ශ්‍රී ලාංකික ධීවර යාත්‍රාවේ තිබී සොයාගත් හෙරොයින් තොගයේ වටිනාකම ඉන්දීය රුපියල් කෝටි 3,000කට ආසන්න බව එරට බලධාරීන් පවසයි.

හෙරොයින් කිලෝග්‍රෑම් 300ක් සහ අවි ආයුධ තොගයක් රැගත් ශ්‍රී ලාංකික ධීවර යාත්‍රාවක් කේරළ, විසින්ජම් මුහුදු තීරයේදී ඉන්දීය වෙරළාරක්ෂක නිලධාරින් විසින් අත්අඩංගුවට ගෙන තිබුණි.

එම ධීවර යාත්‍රාවේ සිටි ශ්‍රී ලාංකිකයින් 06 දෙනෙකුද එහිදි අත්අඩංගුවට ගෙන ඇති අතර ඉන්දීය වෙරළාරක්ෂක නිලධාරින්ගේ භාරයට ගත්තේය.

කේරළයේ, විසින්ජම් මුහුදු තීරයේදී පසුගිය 25 වැනිදා මෙලෙස ඉන්දීය වෙරළාරක්ෂක නිලධාරින් සහ එරට මත්ද්‍රව්‍ය නාශක කාර්යාංශය විසින් ගුවනින් සහ මුහුදේ සිදුකළ ඒකාබද්ධ මෙහෙයුමකින් ශ්‍රී ලාංකික ධීවර යාත්‍රා 03 ක් සිය භාරයට ගෙන තිබේ.

ඒ අනුව ඉන්දීය වෙරළාරක්ෂක භාරයට ගෙන ඇති ධිවර යාත්‍රා 03 හි ශ්‍රී ලාංකික ධීවරයින් 19 දෙනෙකු සිට ඇති බව වාර්තාවේ.

එහිදි ශ්‍රී ලාංකික ධීවර යාත්‍රාවක් වන ‘‘රවිහංසි‘‘ නම් යාත්‍රාව සෝදිසි කිරීමකට ලක්කර ඇති අතර යාත්‍රාවේ සඟවා තිබු හෙරොයින් කිලෝග්‍රෑම් 300යි ග්‍රෑම් 323ක්, AK 47 වර්ගයේ ගිනි අවි 05ක් සහ මිලිමිටර් 09 ජිව පතුරොම් 1,000ක් සොයාගෙන තිබුණි.

හෙරොයින් තොගය ‘‘රවිහංසි‘‘ධීවර යාත්‍රාවේ ජල ටැංකිය තුළ පැකට් 310 කට අසුරා තිබියදී සොයාගෙන ඇති බව වාර්තා වේ.

එමෙන්ම එම හෙරොයින් පැකට් ඇසුරුම් මත පියාඹන අශ්වයකුගේ සලකුණු තබා ඇති බවද ඉන්දීය මාධ්‍ය වාර්තා කළේය.

මත්ද්‍රව්‍ය සඟවා තිබු ‘‘රවිහංසි‘‘ නම් ධීවර යාත්‍රාවේ සිටි ශ්‍රී ලාංකිකයින් හයදෙනා අධිකරණයට ඉදිරිපත් කිරිමෙන් අනතුරුව රක්ෂිත බන්ධනාගාරගත කර ඇති බව ද වාර්තා වේ.

මෙම හෙරොයින් තොගය ඉරානයේ සිට වෙනත් යාත්‍රාවකින් රැගෙනවිත් ශ්‍රී ලාංකික ධිවර යාත්‍රාව වෙත ලක්ෂද්වීප මුහුදු තීරයේදී ලබාදී ඇති බවට ඉන්දීය බලධාරින් සැක පළකරයි.

Related posts

පාස්කු ප්‍රහාරයේ පරීක්ෂණ වඩාත් සුක්ෂමව

colombotoday

මේ ආණ්ඩුව දැන් කෙලින් කරන්න බැරි බලු නකුටක් වගේ – හිටපු අගමැති

colombotoday

ජනපති නවක වදය නවත්වන්න පොලිස් පතිට බාර දෙයි

colombotoday

සෞඛ්‍ය අමාත්‍යංශයේ විශේෂඥ කමිටුවෙන් මහාචාර්ය මෙත්තිකා විතානගේ ඉල්ලා අස්වෙයි.

colombotoday

වැඩි පිරිසකට සරසවි වරම් දෙන්න යයි

colombotoday

කොස්තාපල්වරයෙකුගේ ගිනි අවිය පත්තු වී නිලධාරියෙකුට තුවාල

Admin