“සෑබෑ ජනමතය පිළිඔුමු කිරීම සදහා පැරදුනු මන්ත්‍රීවරුන් ජාතික ලැයිස්තුවෙන් පාර්ලිමේන්තු යැවීමෙන් වලකින්න” යැයි පාරිභෝගික අයිතීන් සුරකීමේ ජාතික ව්‍යාපාරයේ සභාපති රංජිත් විතානගේ මහතා මාධ්‍ය නිවේදනයක් නිකුත් කරමින් සියලුම පක්ෂ නායකයන්ගෙන් ඉල්ලීමක් කර තිබෙනවා.
එම මාධ්‍ය නිවේදනය මෙසේය….
මේ වන විට ජනතාව විසින් වසර පහක් පාර්ලිමේන්තුව නියෝජනය කරනු ලබන තම නියෝජිතයා තෝරා පත් කර ගැනීම අවසන් කර ඇත.එසේ තෝරාපත් කර ගන්නා ලද සියලුම මන්ත්‍රීවරුන් හට අප සංවිධානයේ සුභ පැතුම් පුදකරමු. ජනතාව විසින් එසේ පත්කරගෙන ඇති සියලුම මන්ත්‍රීවරුන් මෙරට සමස්ත ජනතාව නියෝජනය කරමින් මෙරට පාලනය කිරීම සදහා වන විවස්ථාදායකයේ නීති සැකසීම කරනු ඇත. ජනතාවට හිතවාදී නීති සෑදීම සදහා අපි ඔවුනට සුභ පතමු.
කෙසේ වෙතත් සැබෑ ජනමතය ප්‍රකාශ වී ඇති මෙම අවස්ථාවේ ඡන්දය ඉල්ලා පැරදුනු කිසිදු අපේක්ෂකයෙකු ජාතික ලැයිස්තුවෙන් පාර්ලිමේන්තුවට නම් නොකරන ලෙස අප සියලුම දේශපාලන පක්ෂවලින් ඉල්ලා සිටිමු. පැරදුනු අපේක්ෂකයින් පාර්ලිමේන්තු යැවීම තුළින් පාර්ලිමේන්තුව තුළ සැබෑ ජනමතය පිළිඔුමු නොවන බව අප අවධාරණය කරන්නෙමු.
ස්තුතියි
මෙයට විශ්වාසී,
රංජිත් විතානගේ- සභාපති – පාරිභෝගික අයිතීන් සුරකීමේ ජාතික ව්‍යාපාරය