යුද්ධය පැවති අවස්ථාවේ සිදුවූ වැරදිවලට තම රජයෙන් රණවිරුවන්ට විරුද්ධව නඩු පැවරුවේ නැති බව අමාත්‍ය රාජිත සේනාරත්න පවසනවා. ඊයේ (28) කැඳවා තිබූ මාධ්‍ය හමුවකදී අදහස් දැක්වූ අමාත්‍යවරයා, දඬුවම් මේ රජය යටතේ ලැබුනද නඩු පවරා ඇත්තේ පසුගිය රජය සමයේදී බව අවධාරණය කර සිටියා.
කොටින්ට විරුද්ධ සටන් කල කිසිදු රණවිරුවෙක්ට නඩු දමා නැති බවත් නඩු දමා ඇත්තේ ලසන්ත වික්‍රමතුංග, එක්නැලිගොඩ, වසීම් තජුඩින් ඇතුළු තුන්වන පාර්ශවයන් මරා දැමූ පුද්ගලයන්ට විරුද්ධව බවයි අමාත්‍යවරයා සඳහන් කර සිටියේ.
යුද්ධය නිසා සිරගත කර සිටින රණවිරුවන් සියලු දෙනා එලියට ගන්නා බවත් අමාත්‍ය රාජිත සේනාරත්න මෙහිදී අවධාරණය කර සිටියා.