තමාට අසාධාරණ ලෙස ක්‍රිකට් තහනමක් පැනවීමට ජාත්‍යන්තර ක්‍රිකට් කවුන්සිලය තීරණය කර ඇති බව හිටපු වේගපන්දු යවන ක්‍රීඩක නුවන් සොයිසා පවසනවා.
2018 වසරේදී ශ්‍රී ලංකා කණ්ඩායමේ වේග පන්දු පුහුණුකරු ලෙස පුහුණු වීම් කරමින් සිටියදී ICC දුෂණ මර්ධන කමිටුව සාවද්‍ය චෝදනා නගමින් තමාව අත්අඩංගුවට ගනිමින් හිංසාකාරී ලෙස සලකූ බව නුවන් සොයිසා මහතා අද (21) මාධ්‍ය හමුවක් පවත්වමින් සඳහන් කරන ලදි.
ICC දුෂණ විරෝධී ඒකකයේ පරීක්ෂණ සැප්තැම්බර් 12 දින පැවති බවත් එහිදී සියලුම සාක්ෂි තමාගේ වාසියට තිබුණු බවත් තමා කිසිදා නොකළ වැරදිවලට වරදකරු කරමින් ඊයේ (20) ICC ය මාධ්‍යයට ප්‍රකාශයක් කරමින් තමාට ඉතා අසාධාරණයක් සිදුකල බවත් ඒ මහතා පැවසීය.
ඉදිරියේදී ශ්‍රී ලංකාවේ අභියාචනාධිකරණයට, එක්සත් අරාබි එමිල් රාජ්‍යයේ ශ්‍රේෂ්ඨාධිකරණයට සහ මෙයට එරෙහිව ගත හැකි සියලුම නීති ක්‍රියාමාර්ග ගන්නා බවත් ඒ වෙනුවෙන් රසිකයන් තමාට ශක්තිය ලබා දෙනු ඇති බවත් නුවන් සොයිසා වැඩිදුරටත් පවසයි.