ශ්‍රී ලංකාවේ ජාතික ධජයෙන් සිංහයා ඉවත් කර සියළු ජාතීන් නියෝජනය වන සංඛේතයක් ඇතුළත් කළ යුතු බවට උතුරේ ක්‍රියාත්මක වන කාන්තා සංවිධානයක් නව ව්‍යවස්ථාවට යෝජනා ලබාදෙමින් ඉල්ලීමක් ඉදිරිපත් කර ඇත.
පෙරේදා (10) නව ව්‍යවස්ථාවට යෝජනා ලබාදීම සදහා මන්නාරමේදී සංවිධානය කර තිබූ සැසියකදී මේ පිළිබදව යෝජනා ඉදිරිපත් වී ඇති අතර ජාතික ධජයට ඇතුලත් කර ඇති සිංහයාගේ රුව ප්‍රචණ්ඩත්වයේ සංකේතයක් ලෙස දකින බව ප්‍රකාශ කර ඔවුන් තම ඉල්ලීම ඉදිරිපත් කර ඇත. තවද එම රුව, එක් ජනවර්ගයක් පමණක් නියෝජනය කරන බැවින්ද, සියළු ජන වර්ග නියෝජනය කරන අන්දමේ ජාතික ධජයක් සකස් කළ යුතු බව ඔවුන් අවධාරණය කර ඇත.
තවද, කාන්තා සුබසාධනය සහ සංවර්ධනය වෙනුවෙන් ස්වාධීනව සහ නිද‍හසේ කටයුතු කළ හැකි කොමිසමක් පිහිටුවීමට නව ආණ්ඩුක්‍රම ව්‍යවස්ථාව තුලින් ක්‍රියාමාර්ග ගත යුතු බවද මෙහිදී ප්‍රකාශ කර ඇත. කාන්තාවන්ට එරෙහි ප්‍රචණ්ඩත්වය වැලැක්වීමට දැඩි නීතිරීති ගෙනා යුතුය ඉල්ලීම මෙහිදී ඉදිරිපත් කර ඇත. කෙසේ වුවද, දේශපාලන කටයුතු වලදී කන්තාවන්ට 50% ක නියෝජනයක් වෙන්කිරීමත්, ජාතික ලැයිස්තුවෙන් 30% ක නියෝජනයක් වෙන් කළ යුතු බවත් මෙහිදී ප්‍රකාශ කර ඇත.