කාබුල්හි තලේබාන් සංවිධානයේ නව ආරක්ෂක ප්‍රධානි කලිල් උර්-රහ්මාන් හකානි වසර 10 කට පෙර ඇමරිකා එක්සත් ජනපද රජය විසින් ත්‍රස්තවාදීයෙකු ලෙස නම් කරන ලද අතර ඔහු අල්ලා ගැනීමට තොරතුරු ලබා දෙන්නේනම් ඩොලර් මිලියන 5 ක ත්‍යාගයක් ලබා දෙන බවට ප්‍රසිද්ධ කර ඇත.
ඇෆ්ගනිස්ථානයේ සාමය යථා තත්ත්වයට පත් කිරීම සඳහා තලේබාන් සංවිධානය කටයුතු කරමින් සිටින බව කලිල් උර්-රහ්මාන් හකානි පසුගිය ඉරිදා මාධ්‍යයට පැවසීය.
“අපට සුපිරි බලවතුන් පරාජය කළ හැකි නම්, නිසැකයෙන්ම අපට ඇෆ්ගන් ජනතාවට ආරක්ෂාව සැපයිය හැකියි,” ඔහු පැවසීය.
බ්‍රහස්පතින්දා කාබුල් ගුවන් තොටුපල ඉදිරිපිටදී එල්ලවූ මරාගෙන මැරෙන බෝම්බ ප්‍රහාරයෙන් එක්සත් ජනපදයේ හමුදා සාමාජිකයින් 13 දෙනෙකු මිය යන ලදි.
එක්සත් ජනපද බලධාරීන් සැක කරන්නේ බෝම්බ ප්‍රහාරය සිදු කළේ තලේබාන් සංවිධානයේ දැඩි විරුද්ධවාදියෙකු වන බෙදුම්වාදී කණ්ඩායමක් වන අයිසිස්-කේ විසින් බවයි. මෙම ප්‍රහාරය හේතුවෙන් තලේබාන් සංවිධානයට අගනුවර ආරක්ෂා කිරීමට ඇති හැකියාව පිළිබඳ ගැටලු මතු වේ.
කලිල් උර්-රහ්මාන් හකානි අල්කයිඩා සහ පාකිස්තාන බුද්ධි අංශ සමඟ දිගු කලක සිට සමීප සබඳතා පවත්වා ඇත.
ඇමරිකානුවන් කිහිප දෙනෙකු පැහැරගෙන යාම සම්බන්ධයෙන් හකානි ජාලයට චෝදනා එල්ල වී තිබේ.
කලීල් හකානි එම කණ්ඩායමේ මෙහෙයුම් ප්‍රධානියා ලෙස කටයුතු කර ඇති බව ඇෆ්ගනිස්ථානයේදී සීඅයිඒ ත්‍රස්ත විරෝධී මෙහෙයුම් ක්‍රියාත්මක කළ ඩග් ලන්ඩන් පැවසීය. සෝවියට් ආක්‍රමණයට එරෙහිව තලේබාන්වරුන්ගේ පූර්වගාමියා ලෙස කටයුතු කර ඇති ඔහු සීඅයිඒ හවුල්කරුවෙකු වූ බව ලන්ඩන් පැවසීය.
2011 දී ඔහු එක්සත් ජනපද රජය විසින් ත්‍රස්තවාදියෙකු ලෙස නම් කරන ලදී.
