ඊයේ (පෙබ. 21) සිදුවූ අනතුරකින් දෙහිවල පොලිස් වසමේ කඩවත පාර ප්‍රදේශයේ මෝටර් රථයක් යතුරුපැදියක ගැටීයතුරුපැදිකරු කළුබෝවිල රෝහලට ඇතුලත් කිරීමෙන් පසු මිය ගොස් ඇති බව පොලිසිය පවසයි.
මිය ගිය පුද්ගලයා වයස අවුරුදු 52ක් වූ මොරටුව, කටුබැද්ද ප්‍රදේශයේ පදිංචිකරුවෙකි.
මිය ගිය පුද්ගලයා යතුරුපැදියකින් ගමන් කරමින් සිටියදී පිටුපසින් පැමිණි මෝටර් රථයක රියැදුරු තම මෝටර් රථය යතුරුපැදිය පිටුපස හප්පා අනතුරට ලක් කර ඇතැයි පොලිසිය පැවසීය.
පොලිසිය සඳහන් කළේ, මෙය සිතා මතා හප්පා සිදු කළ මනුෂ්‍ය ඝාතනයක් බව දැනට සිදුකරන ලද විමර්ශනවලදී අනාවරණය වී ඇති බව ය.
සිද්ධිය සම්බන්ධයෙන් වයස අවුරුදු 30 ක්වූ දෙහිවල ප්‍රදේශයේ පදිංචි සැකකරු යැයි සැක කරන පුද්ගලයෙකු පොලිසිය අත්අඩංගුවට ගෙනද තිබේ.